သျှမ်းပြည်နယ်အရှေ့ပိုင်း မိုင်းဖြတ်ခရိုင် မိုင်းယောင်းမြို့တွင်းကို NDAA မိုင်းလားတပ်ဖွဲ့က တပ်သားအင်အားရာနှင့်ချီ၍ ဝင်ရောက်နေရာယူခဲ့ပြီဖြစ်ကြောင်းသိရသည်။
၂၀၂၄ ခုနှစ် ဇူလိုင်လ (၁၆) ရက်နေ့က နေပြည်တော်မှ စစ်ကောင်စီတပ်၏ စစ်ဘက်အရာရှိတစ်ဦး ဝ နယ် ပန်ဆန်းသို့ ကျိုင်းတုံမှတဆင့် မော်တော်ယာဉ်ဖြင့် သွားရောက်ခဲ့သည်ဟုဆိုသည်။ ၎င်းခရီးစဉ်တွင် စစ်ကောင်စီအရာရှိသည် UWSA ခေါင်းဆောင်များနှင့်တွေ့ဆုံ၍ UWSA ၊ SSPP နှင့် NDAA အဖွဲ့များ စုစည်းပြီး သျှမ်းပြည်ကြီး ပြိုကွဲမှုမရှိစေရန် MNDAA ၊ TNLA နှင့် ၎င်းတို့၏ မဟာမိတ်များ ရှေ့ဆက်တိုးမည့်ခြေလှမ်းများဟန့်တားပေးရန်နှင့် လားရှိုးမြို့မကျရေး တားဆီးပေးရန် တောင်းဆိုခဲ့ကြောင်း ဧရာဝတီသတင်းဌာနက ဖော်ပြထားသည်။
အဆိုပါသတင်းထွက်လာပြီးနောက် NDAA မိုင်းလားအဖွဲ့က မိုင်းယောင်းဝင်ရောက်နေရာယူခြင်းသည် ဆက်စပ်မှုရှိမရှိ ဆက်လက်စုံစမ်းလျက်ရှိသည်။
