သျှမ်းပြည်နယ်ဝန်ကြီးချုပ်အဖြစ် စိုင်းထိန်စိုး အား အတည်ပြုခန့်အပ်လိုက်တယ်လို့ ဒီကနေ့မှာ ကျင်းပတဲ့ တတိယအကြိမ် သျှမ်းပြည်နယ်လွှတ်တော် ပထမ ပုံမှန်အစည်းအဝေး စတုတ္ထနေ့မှာ ပြည်နယ်လွှတ်တော်ဥက္ကဋ္ဌ ဦးစိုင်းလုံကျော်က ကြေညာခဲ့ပါတယ်။
ဝန်ကြီးချုပ်အဖြစ် စိုင်းထိန်စိုး အား သမ္မတအဖြစ်ရွေးကောက်ခံရသူ စစ်ခေါင်းဆောင် မင်းအောင်လှိုင် က အဆိုပြုခဲ့တာဖြစ်ပြီး ကန့်ကွက်သူ မရှိတာကြောင့် လွှတ်တော်က အတည်ပြုခဲ့တာဖြစ်ပါတယ်။
စိုင်းထိန်စိုး ဟာ ရပ်စောက်မြို့နယ် ပြည်နယ်လွှတ်တော် မဲဆန္ဒနယ် အမှတ် ၁ မှ အချိုးကျကိုယ်စားပြုစနစ်ဖြင့် ပြည်နယ်လွှတ်တော်ကိုယ်စားလှယ်အဖြစ် ပြည်ခိုင်ဖြိုးပါတီမှ ဝင်ရောက်ယှဥ်ပြိုင် အနိုင်ရရှိထားသူဖြစ်ပါတယ်။