သျှမ်းပြည်နယ်မြောက်ပိုင်း၊ လားရှိုးမြို့တွင် လက်ရှိဖြစ်ပေါ်နေသော တိုက်ပွဲများကြောင့် Myanmar Airways International Mingalar Airline မှ ပျံသန်းပြေးဆွဲလျှက်ရှိသော လားရှိုး ခရီးစဥ်များကို ယနေ့ ဇူလိုင်(၃)ရက်နေ့မှစပြီး လေကြောင်းခရီးစဥ်များအားလုံး ဖျက်သိမ်းကြောင်းFly with dream ပြည်တွင်းလေယာဥ် လက်မှတ်အရောင်းဌာနက တရားဝင်ထုတ်ပြန်ကြေငြာ ထားကြောင်း သိရသည်။
ဒါ့အပြင် မန်းရွှေပြည် ယာဥ်လိုင်းမှ လားရှိုး−ရန်ကုန် ခရီးစဥ်များကို ယခုလ ဇူလိုင်(၂)ရက်နေ့မှ တစ်လ ခေတ္တရပ်ထားမည်ဖြစ်ကြောင်း Man Shwe Pyi Express ၏ ဖေ့တ်ဘုတ်စာမျက်နှာမှာ ဖော်ပြထားပါသည်။
လားရှိုးမြို့နှင့် အနီးဝန်းကျင်ရှိ စစ်ကောင်စီတပ်စခန်းများကို ကိုးကန့်တပ်ဖွဲ့ MNDAAနှင့် ပူးပေါင်းတပ်ဖွဲများက မနေ့ည (၁၁)နာရီနောက်ပိုင်းမှာ စတင်တိုက်ခိုက်ပြီး လက်နက်ကြီးဖြင့် အပြန်အလှန်ပစ်ခတ် ခဲ့ကြောင်းသိရသည်။ ထိုပစ်ခတ်မှုအတွင်း ဒေသခံပြည်သူ (၆)ဦး သေဆုံးကြောင်း ဒေသခံ နာရေးကူညီမှုအသင်းများထံမှ သိရသည်။
