ယနေ့ အောက်တိုဘာလ (၁) ရက်နေ့ မွန်းလွဲ (၃) နာရီခန့်တွင် သျှမ်းပြည်နယ်မြောက်ပိုင်း ကျောက်မဲမြို့နယ် စခန်းသာကျေးရွာနှင့် ကျောက်ထုတ်စခန်းအကြား ကုန်းအဆင်း၌ တွဲကားနှင့် ခရီးသည်တင်ယာဉ်ငယ် မတော်တဆ တိုက်မိခဲ့ကြောင်း သတင်းရရှိသည်။
အဆိုပါယာဉ်တိုက်မှုကြောင့် အမျိုးသား (၄) ဦး ၊ အမျိုးသမီး (၁) ဦး ထိခိုက်ဒဏ်ရာရရှိခဲ့သည်။
ထိခိုက်ဒဏ်ရာရရှိကြသူများကို ကမ်းလင့်လက်များလူမှုကူညီရေးအသင်း (နောင်ပိန်) နှင့် အဖြူရောင်နှလုံးသား ပရဟိတ လူမှုကူညီရေးအသင်းတို့မှ ကူညီကယ်ဆယ်ရေးလုပ်ငန်းများ ပြုလုပ်ပြီး ကျောက်မဲပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။
