(၁၈.၄.၂၀၂၃) ရက်နေ့ နံနက်ပိုင်းတွင် သျှမ်းပြည်နယ်မြောက်ပိုင်း ကျောက်မဲမြို့နယ် မန်တန်းရွာအနီး တောင်ဆေးလိပ်ရွာလမ်းခွဲ၌ ကျောက်မီးသွေးတင်ဆောင်လာသည့်ကားတစ်စီး မတော်တဆ တိမ်းမှောက်ခဲ့ကြောင်း သတင်းရရှိသည်။
ယာဉ်မတော်တဆမှုကြောင့် ယာဉ်မောင်းနှင့်ယာဉ်နောက်လိုက်တစ်ဦး ကားအောက်ပိုင်းတွင် ပိတ်မိခဲ့သည်။
အဆိုပါ ပိတ်မိနေသော ယာဉ်မောင်းအမျိုးသားနှင့်ယာဉ်နောက်လိုက် အမျိုးသမီး (မစိုးရိမ်ရ)တို့အား ကမ်းလင့်လက်များ လူမှုကူညီရေးအသင်းနောင်ပိန်မှ သွားရောက်ကူညီထုတ်ပေးခဲ့ပြီး ယခုအခါ နောင်ပိန်တိုက်နယ်ဆေးရုံ၌ ဆေးကုသမှု ခံယူလျက်ရှိကြောင်း သိရသည်။
