သျှမ်းပြည်နယ်မြောက်ပိုင်း၊ နောင်ချိုမြို့နယ်၌ စစ်ကောင်စီတပ်နှင့် ပြည်သူ့ကာကွယ်ရေးအဖွဲ့တို့ တိုက်ပွဲဖြစ်ပွားမှုကြောင့် စစ်ဘေးရှောင်များ ခမ်းချိုဘုန်းကြီးကျောင်းတွင် လာရောက်ခိုလှုံနေရကြောင်း သိရသည်။
ခမ်းချိုကျောင်းတွင် ရောက်ရှိလျက်ရှိသည့် စစ်ဘေးရှောင်မိဘပြည်သူများသည် နောင်ချိုမြို့နယ် မြောက်ကုန်းကြီးရွာမှ (၂၆) ဦး၊ အင်းမရွာမှ (၁၅) ဦး၊ ကြူကော်ရွာမှ (၁၆) ဦး၊ ရွာသစ်ရွာမှ (၁၁) ဦး၊ ဟိုနောင်ရွာမှ (၇၉) ဦး၊ ကုန်းညောင်ရွာမှ (၁) ဦး၊ ကြူအင်းရွာမှ (၁၉) ဦးနှင့် ရွာဦးကျောင်း (၂) ကျောင်းမှ ရဟန်း (၃) ပါး၊ သာမဏေ (၅၂) ပါး စုစုပေါင်း (၂၂၂) ဦး ရှိကြောင်း သိရသည်။
ရောက်ရှိတိမ်းရှောင်လာသည့် စစ်ဘေးရှောင်များအတွက် နေ့စဉ်စားနပ်ရိက္ခာများ လိုအပ်လျက်ရှိသည်။
