သျှမ်းပြည်နယ်တောင်ပိုင်း လွိုင်လင်မြို့နယ် ပင်လုံ-လဲချား လမ်းမကြီး၌ ဖေဖော်ဝါရီလ (၁၇)ရက်နေ့က CROWN ကားပေါ်တွင် သိုဝှက်တင်ဆောင်လာသည့် စိတ်ကြွမူးယစ်ဆေးပြား (၄) သိန်းပြား တန်ဖိုး ကျပ်သိန်း (၁၂၀၀) အား ဖမ်းဆီးရမိခဲ့ကြောင့် စစ်ကောင်စီမူးယစ်ဆေးဝါးတားဆီးနှိမ်နှင်းရေး ရဲတပ်ဖွဲ့မှ ထုတ်ပြန်ထားသည်။
မူးယစ်ဆေးဝါးနှင့်အတူ ယာဉ်မောင်းဖြစ်သူ ကြည်စိုး(၃၀)နှစ် အပါအဝင် ခွန်စောနိုင်(ခ) ခွန်ပန်းလှိုင်(၄၉)နှစ်၊ ခွန်၀မ်းတူး(၂၆)နှစ်၊ ခွန်အောင်ကျော်ဇေယျ(ခ)ကိုတလိုင်း(၄၃)နှစ် နှင့် ၀င်းမြင့်(၄၁)နှစ်တို့အား ပင်လုံနယ်မြေရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားကြောင်း သိရသည်။