သျှမ်းပြည်နယ် တောင်ပိုင်းညောင်ရွှေမြို့နယ်၊ အင်းလေးဒေသအတွင်းရှိPDFအဖွဲ့ဝင်တစ်ချို့နှင့် တောင် ကြီးမြို့ပေါ်ရှိ ထောက်ပို့များ ဖမ်းဆီးခံရကြောင်း စစ်ကောင်စီ သတင်းများ ကဖော်ပြထားသည်။
ဒီဇင်ဘာလ ၂၇ ညပိုင်းတွင် စစ်ကောင်စီတပ်သားများ ညောင်ရွှေမြို့နယ်၊ အင်းလေးဒေသညောင်ရွှေမြို့နယ်၊ အင်းတိန်ကျေးရွာ၊ အင်းတိန်ညောင်အုပ်ကျောင်းတိုက်ရှိကျောင်း ထိုင်ဆရာတော် ဥူးဇဝန အားဝင်ရောက် ဖမ်းဆီးခဲ့သည်။
၄င်းနောက် ဒီဇင်ဘာ၂၉ တွင် သန်းဇော်ဌေး(ခ) သားငယ်အား ကလောမြို့နယ်၊ ဟဲဟိုးမြို့၊ ညောင်ခါးရှည် ကျေး ရွာအနီး၌ လည်းကောင်း၊ ညနေပိုင်းတွင် သျှမ်းတောင် PDF အဖွဲ့ခေါင်းဆောင် ဇော်ဇော်အောင် (ခ) ဆရာကျောင်းနှင့် အဖွဲ့ဝင် အိုက်ရွန်တို့ ၂ ဦးအား ကလောမြို့နယ်၊ ဟဲဟိုးမြို့၊ ရပ်ကွက် (၅) ရှိ “နန္ဒဝန်” စား သောက်ဆိုင်တွင် ပစ္စတို ၁ လက်၊ ကျည်အိမ် ၁ ခု၊ ကျည် ၅၀ တောင့်၊ လက်ပစ်ဗုံး ၂ လုံး၊ စကားပြောစက် ၁ လုံးတို့ဖြင့် ဖမ်းဆီးရမိခဲ့ကြောင်းဖော်ပြထားသည်။
ဒီဇင်ဘာ ၃၁ ညနေပိုင်းတွင် PDF အဖွဲ့များအား သ တင်းများပေးပို့ခဲ့သည်ဟုဆိုကာ တင်တင်ညို (ခ) မလေးအား တောင်ကြီးမြို့၊ မင်္ဂလာဦးရပ်ကွက်ရှိ နေအိမ်၌ လည်း ကောင်း၊ PDF အဖွဲ့များအား ငွေကြေးနှင့် ထောက်ပံ့ရေးလုပ်ငန်းများတွင် ကူညီဆောင်ရွက်ပေးနေသည်ဟုဆိုကာ မင်းမင်းဦးအား တောင်ကြီးမြို့၊ ညောင်ဖြူစခန်းရပ်ကွက်နေအိမ် ၌ထပ်မံဖမ်းဆီးရမိခဲ့ကြောင်း ဖော်ပြထားသည်။
ညောင်ရွှေမြို့နယ်၊ လုံကန်ကျေးရွာ၊ တောင်တိုကျေးရွာ၊ တောင်ခြားပြင်ကျေးရွာအနီးတစ်ဝိုက်ရှိ PDF တပ်စခန်းတစ်ခုကို ဇန်နဝါရီ ၃ ရက်နေ့က စစ်ကောင်စီမှ ဝင်ရောက်တိုက်ခိုက်ခဲ့ပြီး PDF ခေါင်းဆောင် ၁ ဦး အပါအဝင် ကျား ၆ ဦး၏ အလောင်းများနှင့် အသက်ရှင်လျှက် ကျား ၇ ဦး၊ မ ၁ ဦး နှင့် လက်နက်များ ဖမ်းဆီးရမိခဲ့ကြောင်း စစ်ကောင်စီကသတင်းထုတ်ပြန်ထားသည်။
