သျှမ်းပြည်တောင်ပိုင်း ၊ ရွာငံမြို့နယ် ၊ မင်းပလောင်ကျေးရွာကို စစ်ကောင်စီတပ်က ဒီဇင်ဘာ ၂၂ ရက် နဲ့၂၃ ရက်နေ့က ရွာလုံးကျွတ်မီးရှို့ဖျက်ဆီးခဲ့တဲ့အတွက် မီးဘေးသင့်ခဲ့တဲ့ ဒေသခံတွေ အကူအညီလိုအပ်နေတယ် လို့ဒေသခံတွေဆီက သိရပါတယ် ။
ဒီဇင်ဘာလ ၂၂ရက်နေ့ကရေလှကျေးရွာဖက်ကနေ အင်အား (၁၁၀)ခန့် ရှိတဲ့စစ်ကောင်စီစစ်ကြောင်းဟာ မင်းပလောင်ရွာကိုထိုးစစ်ဆင်လာပြီး DSNA-ဓနုပြည် နယ်အမျိုးသားကာကွယ်ရေးတပ် နဲ့ နှစ်ရက်တိတိထိတွေ့တိုက်ပွဲဖြစ်ပွားပြီးတဲ့နောက် စစ်ကောင်စီတပ်ကမင်းပလောင်ရွာကနေအိမ်တွေ ရွာလုံးကျွတ်မီးရှို့ဖျက်ဆီးခဲ့တယ်လို့ သိရပါတယ် ။
မီးရှို့ဖျက်ဆီးခံရတဲ့ မင်းပလောင်ရွာက အရပ် သားပြည်သူ နေအိမ်စုစုပေါင်း ၁၇၀ မီးလောင်ဆုံး ရှုံးခဲ့ပြီး နေအိမ်စွန့်ခွာထွက်ပြေးနေရတဲ့ စစ်ဘေးဒုက္ခသည် ၈၀၀ခန့်ရှိနေတယ်လို့ သိရပါတယ် ။
လက်ရှိမှာ မင်းပလောင် ကျေးရွာနေဒေသခံပြည်သူတွေ စစ်ဘေးရှောင်နေရပြီးစားနပ်ရိက္ခာ ပြတ်တောက်ကာ မိုးကာ ၊ အိုးခွက်ပန်းကန် ၊ စောင် ၊ ဆေးဝါးများ အရေးပေါ်လိုအပ်နေပြီး ၊ ကျန်းမာ ရေးစောင့်ရှောက်မှုတွေ လဲလိုအပ်နေတယ်လို့ ကူညီနေသူတွေဆီက သိရပါတယ် ။
အဲ့ဒီတိုက်ပွဲအတွင်းမှာ စစ်ကောင်စီဖက်က ၃ ဦးသေဆုံးပြီး၊ ၅ဦးခန့် ဒဏ်ရာရရှိခဲ့ပေမဲ့ DSNDF ဖက်က ယခုချိန်ထိ ထိခိုက်ကျဆုံးမှုမရှိပဲ ဆက်လက်နေရာယူထားဆဲဖြစ်တဲ့ပြင် စစ်ကောင်စီဖက်ကဆုတ်ခွာမှုမရှိသေးတဲ့အတွက် တိုက်ပွဲတွေ ထပ်မံဖြစ်ပွားနိုင်တယ်လို့ DSNDF ကထုတ်ပြန်ထားပါတယ် ။
