သျှမ်းပြည်မြောက်ပိုင်း သီပေါမြို့တွင် စစ်ကောင်စီမှ ပြည်သူလူထုကိုဦးတည်ကာ လေကြောင်း ဖြင့် ပေါင်(၅၀၀)ဗုံး (၃)လုံး လာရောက်ကြဲချခဲ့ပြီး နေအိမ်အများအပြားပျက်စီးသွားခဲ့သည်။
အောက်တိုဘာလ ၁၀ ရက်နေ့ နေ့လယ်ပိုင်းတွင် သီပေါမြို့ ဇာတ်စုရပ်ကွက်နှင့်သီပေါအကျဉ်းထောင် အတွင်း လာရောက်ဗုံးကြဲတိုက်ခိုက်ခဲ့ခြင်းဖြစ်ပြီး ထောင်အဆောက်အဦးနှင့် လူနေအိမ် (၇)လုံးကျော် ထိခိုက်ပျက်စီးသွားခဲ့ကြောင်း TNLA ထံမှသိရသည်။
ထို့အပြင် နောင်ချိုမြို့နယ် အင်းဖိုကျေးရွာတွင် အောက်တိုဘာလ ၉ ရက်နေ့ နံနက် (၁၀း၀၀)အချိန်က စစ်ကောင်စီမှ လေကြောင်းအသုံးပြုပြီး ဗုံး (၄)လုံး လာရောက်ကြဲချသလို အောက်တိုဘာလ ၁၀ ရက်နေ့ နံနက်ပိုင်းအချိန်တွင်လည်း ဘန့်ဘွေး ရှိ စစ်ကောင်စီတပ်စခန်းမှ လက်နက်ကြီးဖြင့် ဆက်တိုက်ပစ်ခတ်ခဲ့ေကြာင်း သိရသည်။
စစ်ကောင်စီမှ ဗုံးကြဲတိုက်ခိုက်မှုကြောင့် ဒေသခံတစ်ဦးသေဆုံးပြီး လူထုနေအိမ် အများအပြား ထိခိုက် ပျက်စီးသွားခဲ့ပြီး စစ်ရေးပစ်မှတ် မဟုတ် သည့် နေရာများတွင် နေ့စဥ် လေကြောင်းဖြင့် ဗုံးကြဲတိုက်ခိုက် လျက်ရှိကြောင်းသိရှိရပါသည်။
