ယမန်နေ့ည (၁၇.၁၀.၂၀၂၄) ရက်နေ့ သီတင်းကျွတ်လပြည့်ညတွင် သျှမ်းပြည်နယ်မြောက်ပိုင်း နောင်ချိုမြို့အား စစ်ကောင်စီ တိုက်လေယာဉ်များက ညလုံးပေါက် ဗုံးကြဲတိုက်ခိုက်မှုပြုလုပ်ခဲ့ကြောင်း သိရသည်။
အောက်တိုဘာလ (၁၇) ရက်နေ့ည (၁၀) နာရီဝန်းကျင်ခန့်ကစပြီး နံနက် (၁) နာရီအထိ စစ်ကောင်စီတိုက်လေယာဉ်များက လာရောက်ဗုံးကြဲတိုက်ခိုက်ခဲ့သည်ဟုဆိုသည်။
အဆိုပါဗုံးကြဲတိုက်ခိုက်မှုကြောင့် သီတင်းကျွတ်လပြည့်ညတွင် ပြည်သူများ ဘုရားမီးပူဇော်နိုင်ခြင်းမရှိဘဲ ဗုံးခိုကျင်းအတွင်း ညလုံးပေါက်ပုန်းခိုခဲ့ရသည်။
လေယာဉ်ဖြင့်ဗုံးကြဲမှုတွင် နောင်ချိုမြို့အဝင် စစ်ဆေးရေးဂိတ်၊ ထွေအုပ်ရုံးအနီးရှိအဆောက်အဦးများ၊ မြို့မရဲစခန်းအနီးရှိ အဆောက်အဦးများထိခိုက်ပျက်စီးမှုများပြားခဲ့ပြီး လူထိခိုက်မှုရှိနိုင်ကြောင်း သတင်းရရှိသည်။
