ယနေ့ ဧပြီလ ၃ ရက်နေ့မှာ ပြုလုပ်တဲ့ ပြည်ထောင်စုလွှတ်တော် အစည်းအဝေးမှာ သမ္မတ လောင်း သုံးဦးထဲမှ သမ္မတ၊ ဒုသမ္မတ (၁)၊ဒုသမ္မတ (၂) တို့ကို ရွေးချယ်တင်မြှောက်ရာမှာ စစ်ခေါင်းဆောင် မင်းအောင်လှိုင် က မဲအရေအတွက် (၄၂၉ ) မဲနဲ့ အနိုင်ရကာ သမ္မတအဖြစ် ရွေးချယ် တင်မြှောက်ခံရတယ်လို့ သိရပါတယ်။
သမ္မတလုပ်ချင်လို့ အာဏာသိမ်းလိုက်တဲ့ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် ဟာ ရွေးကောက်ပွဲဝင်မပြိုင်ဘဲ ကြံ့ခိုင်ရေးပါတီက လွှတ်တော်ကိုယ်စားလှယ် အများဆုံးရှိတဲ့ ပြည်သူ့လွှတ် တော်က ရွေးချယ်တင်မြောက်လိုက်လို့ သမ္မတဖြစ်လာခဲ့တာပါ။
ပြည်ထောင်စု လွှတ်တော်မှာ မဲပေးခွင့်ရှိသူ လွှတ်တော်ကိုယ်စားလှယ် ၅၈၆ ဦး ရှိရာမှာ (၂) ဦး ပျက်ကွက်ခဲ့ပြီး လွှတ်တော် အစည်းအဝေးခန်းမအတွင်း လျို့ဝှက် မဲစနစ်နဲ့ ရွေးချယ်ရာ စစ်ခေါင်းဆောင် မင်းအောင်လှိုင် (၄၂၉)မဲ ၊ ဗိုလ်ချုပ်ကြီးဟောင်း ညိုစော (၁၂၆)မဲ ၊ ဒေါ်နန်းနီနီအေး (၂၉)မဲ ရရှိခဲ့ပါတယ်။
ဒါ့ကြောင့် စစ်ခေါင်းဆောင် မင်းအောင်လှိုင် က သမ္မတ၊ ညိုစော က ဒုသမ္မတ (၁)နဲ့ နန်းနီနီအေး မှ ဒုသမ္မတ (၂) တို့ အသီးသီး ဖြစ်လာခဲ့ကြပါတယ်။