သျှမ်းပြည်နယ်တောင်ပိုင်း ပင်လောင်း-လွိုင်ကော်ကားလမ်းမကြီး နောင်ဝိုးနှင့်ဆောင်းပြောင်းရွာကြားရှိ တောင်ပေါ်တံတားသည် ယမန့်နေ့တွင် စစ်ကောင်စီပစ်ခတ်လိုက်သည့်လက်နက်ကြီးကျည်ထိမှန်ပြီး ပျက်စီးသွားပြီဟုဆိုသည်။
“ ဒီလမ်းက ဒီတံတားက အရေးကြီးတဲ့တံတားတစ်ခုဖြစ်တယ်။ ဘာလို့လဲဆိုရင် လွိုင်ကော်ကိုသွားရင် ဒီတံတားကိုဖြတ်ပြီးသွားရတယ်။ ပြီးတော့ ဒီလမ်းကလည်း တောင်စောင်းတွေနဲ့အကွေ့အကောက်များတော့ သွားလာရခက်တဲ့အထဲမှာပါတယ်။ အခုတံတားပျက်သွားပြီဆိုတော့ သွားလာဖို့ အရမ်းခက်ခဲသွားပြီ” ဟု ပင်လောင်းမြို့နယ်ဒေသခံတစ်ဦးကပြောသည်။
လက်ရှိအချိန်အထိ စစ်ကောင်စီ+PNAတပ်နှင့် PNLA + PDF တို့သည် ပင်လောင်းမြို့နယ် နှင့် ဆီဆိုင်မြို့နယ်အတွင်း တိုက်ပွဲဆက်လက်ဖြစ်ပွားနေသေးကြောင်းသိရသည်။
