သျှမ်းပြည်နယ်မြောက်ပိုင်း လားရှိုး၊ ကျောက်မဲမြို့နယ်နှင့်သီပေါမြို့နယ်တို့တွင် တိုက်ပွဲကြောင့် ရွှေလီလျှပ်စစ်ဓာတ်အားလိုင်းကြိုးများထိခိုက်ပြီး ယနေ့အထိ လျှပ်စစ်မီးပြန်လည်ရရှိခြင်း မရှိသေးပါ။
“မဟာဓာတ်အားလိုင်း(၂) ပြတ်နေတာ ဖြစ်တဲ့အတွက် လားရှိုး၊ သီပေါ၊ နမ္မတူ၊ မန်တုံ၊ နမ့်လန် ဘက်မှာ မီးတွေပြတ်နေတာဖြစ်တယ်။ ကျောက်မဲနဲ့သီပေါကြားမှာ သွယ်တန်းထားတဲ့ 33KV လိုင်း ထိထားတဲ့အတွက် မီးမလာတာဖြစ်ပါတယ်။ 33 KV လိုင်းကို ပြုပြင်ပြီးမှပဲ မီးပြန်လင်းမှာဖြစ်တယ်။ အခုဆိုရင် မီးပြတ်နေတာ (၂)ပတ်လောက်ဖြစ်နေပါပြီ။ ကျနော်တို့ ပရဟိတ လူမှုကူညီရေး ညီအကိုတွေက ပူးပေါင်းပြီး လျှပ်စစ်ကျွမ်းကျင်ဝန်ထမ်းတွေကို ဓာတ်ကြိုးထိခိုက်ထားတဲ့နေရာတွေ ပြန်လည်ပြုပြင်ရေးလုပ်ငန်းများ ကြိုးစားလုပ်ဆောင်ပေးနေပါတယ်။” ဟု လူမှုကူညီရေးအဖွဲ့ဝင်တစ်ဦးက ပြောပြသည်။
လက်ရှိတွင် နောင်ချို၊ ကျောက်ဂူ၊ နမ့်လန်၊ သီပေါ ကြားရှိ 33 KV ကြိုးပြန်လည်ပြုပြင်နိုင်ရန် လိုက်လံရှာဖွေနေသေးကြောင်း သတင်းရရှိသည်။
