လားရှိုးမြို့ မြို့မဈေးနှင့် မြို့တွင်းဈေးဆိုင်များ ယနေ့ ဩဂုတ်လ (၃၀) ဆိုင်ခန်းတော်တော်များများ ပြန်လည်ဖွင့်လှစ်နေပြီဖြစ်ပြီး မြို့တွင်းရှိ ဈေးဆိုင်များလည်း ပုံမှန်ပြန်လည် လည်ပတ်ရောင်းချနေပြီဟု သိရသည်။ ဒါ့အပြင် လားရှိုးမြို့နယ်အတွင်း လျှပ်စစ်မီးပြန်လည်ရရှိရေးအတွက် 33 KV ဓာတ်အားလိုင်းကိုလည်း ပြန်လည်ပြင်ဆင်နေပြီဖြစ်သည်။ ဆက်သွယ်ရေးကွန်ယက်များအဖြစ် ယနေ့တွင် MPT နှင့် MYTEL ဖုန်းလိုင်းများလည်း ပြန်လည်အသုံးပြုနိုင်နေပြီဖြစ်သည်။
အလားတူ လားရှိုး-သီပေါ-ကျောက်မဲ-နောင်ချိုကားလမ်းကိုလည်း ယနေ့တွင် သက်ဆိုင်ရာ အုပ်ချုပ်ရေးအဖွဲ့များက ယနေ့တွင် လမ်းပြန်ဖွင့်ပေးခဲ့ပြီး ခရီးပြန်လည်သွားလာနိုင်ပြီဖြစ်သည်။ လားရှိုးမြို့တွင်းကို ဒေသခံများ တစ်ဖြည်းဖြည်း ပြန်လည်ဝင်ရောက်နေထိုင်နေကြပြီဖြစ်ကြောင်း သိရသည်။
