သျှမ်းပြည်နယ်မြောက်ပိုင်း၊ လားရှိုးမြို့မှ ဒေသခံများ စိုးရိမ်နေကြသည့် စစ်မှုထမ်းခြင်းကိစ္စ၊ စားနပ်ရိက္ခာပေးဆောင်ခြင်းနှင့် လူငယ်စုဆောင်းခြင်းကိစ္စနှင့်ပတ်သက်ပြီး လုံးဝမရှိကြောင်း အထူးဒေသ(၁) ဒုတိယအတွင်းရေး မှူး Mr.Li Xinhai က ပြောပါသည်။
လားရှိုးမြို့နှင့်ပတ်သက်သည့် အထူးဒေသ(၁)၏ လက်ရှိမူဝါဒများကို ပြည်သူများ ပိုမိုနားလည် သဘော ပေါက် လာစေရန်နှင့် ပြည်သူတို့၏ ပြဿနာများကို ဖြေရှင်းပေးနိုင်ရန် ပြည်သူများအကြား ပူးပေါင်းပါဝင်နိုင်ရေး ရည်ရွယ်ချက်ဖြင့် ဩဂုတ်လ (၁၈)ရက်နေ့တွင် ကျင်းပသည့် လားရှိုးမြို့ လူထုတွေ့ဆုံပွဲမှာ အထက်ပါအတိုင်း ပြောကြားခဲ့ပါသည်။
ထို့အပြင် မဟာမိတ်တပ်ဖွဲ့သည် ပြည်သူမှ ဆင်းသက် လာကာ ပြည်သူ့အတွက် တာဝန်ထမ်းဆောင်ပြီး ပြည်သူများ၏ အကျိုးစီးပွားကို ထိခိုက်စေသည့် မည်သည့်အရာကိုမျှ လုပ်ဆောင်မည် မဟုတ်ကြောင်းလည်း အလေးအနက် ပြောကြားခဲ့ကြောင်းသိရသည်။
လားရှိုးမြို့ပေါ်ရှိ ကွန်ရက်ဆက်သွယ်ရေးပြဿနာများနှင့်ပတ်သက်ပြီး MNDAA မှ ဒုတိယအတွင်းရေးမှူး Mr.Li Xinhai က ရပ်ကွက်တစ်ခုစီတွင် ကွန်ရက်ဆာဗာတစ်ခု တပ်ဆင်ရန်နှင့် ဒေသခံများအား အခမဲ့အသုံးပြုခွင့်ပေးရန် ညွှန်ကြားထားကြောင်းလည်း သိရှိရပါသည်။
