သျှမ်းပြည်နယ်မြောက်ပိုင်း လားရှိုးမြို့နယ် ကောင်းကြဲ(အီ)ကျေးရွာအုပ်စု၊ခိုက်ချန်ရွာ၊ငါးပါးသီလသင်္ချိုင်းအနီးတွင် အမျိုးသားတစ်ဦးအား လက်၂ ဖက်ကိုကြိုးဖြင့်တုတ်ထားပြီး သေနတ်ဒဏ်ရာဖြင့် သေဆုံးနေသောအမျိုးသားအလောင်းတစ်လောင်းကို မေလ (၂၇) ရက်နေ့ ယနေ့ မွန်းလွဲ ၁း၄၅ ခန့်၌ တွေ့ရှိခဲ့ကြောင်း သိရသည်။
သေဆုံးသူသည် ဦးခေါင်းတွင် ကျည်ဆံဖောက်ဝင်ဒဏ်ရာဖြင့်သေဆုံးနေပြီး အမည်နှင့်နေရပ်လိပ်စာ မသိရသေးပါ။
၎င်း၏ အလောင်းကို လားရှိုးလူငယ်များလူမှုကူညီရေးအသင်းက လားရှိုးပြည်သူ့ဆေးရုံ ရင်ခွဲရုံသို့ ပို့ဆောင်ထားကြောင်း သတင်းရရှိသည်။