လက်ရှိစစ်‌ရေးပြဿနာပြေလည်စွာဖြေရှင်းနိုင်ဖို့ TNLA နဲ့ စစ်ကောင်စီတို့ ကူမင်းမှာတွေ့ဆုံဆွေးနွေးမည်

တရုတ်အစိုးရရဲ့ ကြားဝင်စီစဉ်မှုနဲ့ လက်ရှိစစ်ရေးပြဿနာတွေ ပြေလည်စွာ ဖြေရှင်းနိုင်ဖို့ လာမယ့် ဖေဖော်ဝါရီလ ၁၆ ရက် မနက်ဖန်မှာ ပလောင်တပ် TNLA နဲ့ စစ်ကောင်စီတို့ ကူမင်းမှာတွေ့ဆုံဆွေးနွေးမယ်လို့ သိရပါတယ်။

TNLA ရဲ့ ကိုယ်စားလှယ်များက မြန်မာကိုယ်စားလှယ်များနဲ့ တွေ့ဆုံရန်အတွက် ယနေ့ ဖေဖော်ဝါရီလ ၁၅ ရက်မှာ တရုတ်နိုင်ငံ ယူနန်ပြည်နယ်၊ ကူမင်းမြို့သို့ ရောက်ရှိနေပြီဖြစ်တယ်လို့ TNLA က ထုတ်ပြန်ထားတာပါ။

PSLF/TNLA ကိုယ်စားလှယ်အဖွဲ့ကိုတော့ ဒုဗိုလ်ချုပ်ကြီး တားဂျုတ်ဂျား က ဦးဆောင်ပြီး ကိုယ်စားလှယ် ၉ ဦး တက်ရောက်မှာဖြစ်ကာ စစ်ကောင်စီ ကိုယ်စားလှယ်ဖက်ဘက်မှာတော့ MNDAA ကိုးကန့်အဖွဲ့ကို တွေ့ဆုံဆွေးနွေးခဲ့သူ ကစထ(၁) မှူးဖြစ်တဲ့ ဒုဗိုလ်ချုပ်ကြီး ကိုကိုဦး မှ ဦးဆောင်မှာဖြစ်တယ်လို့ TNLA ရဲ့ သတင်းရင်းမြစ်က သိရပါတယ်။