သျှမ်းပြည်တောင်ပိုင်း ဓနုဒေသ ရွာငံမြို့နယ် မြိုင်စံပြကျေး ရွာအုပ်စု ၊ မြေနီကုန်းကျေးရွာအနီး ဝန်းကျင်အပြင် အလယ်ချောင်လမ်းဆုံ အဓိကလမ်းမကြီးတစ်လျှောက်တွင်စစ် ကောင်စီတပ်များ အင်အားချထားပြီး စောင့်ကြည့်စစ်ဆေးမှုများပြုလုပ်နေကြောင်း ဒေသတွင်းသတင်းရင်းမြစ်ထံမှ သိရသည်။
” မြေနီကုန်းအုပ်ချုပ်ရေးမှူးအသတ်ခံရပြီးနောက် တိုက်ပွဲ တွေဖြစ်တယ် တစ်ချို့ဆိုလမ်းတစ်ဝက်ကလှည့်ပြန်ခဲ့ရတယ် ရွာအနီးနားမှာလဲစစ်တပ်က စစ်ဆေးရေးတွေကြမ်းတယ် ” ဟု ရွာငံနယ်ခံတစ်ဦးကပြောသည်။
ဇန်နဝါရီလ ၂၁ ရက် ညပိုင်းတွင် မြေနီကုန်းကျေးရွာ ၏ အုပ်ချုပ်ရေးမှူးဆိုသူ ၎င်း၏ နေအိမ်၌ပင် လုပ် ကြံသတ်ဖြတ်ခြင်း ခံခဲ့ရပြီး မည်သည့်အဖွဲ့အစည်းက မှ ထုတ်ပြန်ထားခြင်း မရှိသေးသလို မည်သူမည်ဝါ လုပ်ဆောင်သည်ကို အတည်မပြုနိုင်ခြင်းမရှိ သေးပါဘူး။
ယင်းသို့ဖြစ်ပွားပြီးနောက် ဇန်နဝါရီလ ၂၂ ရက် နံနက် ၉ နာရီဝန်းကျင်တွင် မြိုင်စံပြကျေးရွာ အနီးတဝိုက်၌ စစ်ကောင်စီတပ်နှင့် ဒေသတွင်းတေည်လှန်ရေးတပ်တို့ တိုက်ပွဲများ စတင်ဖြစ်ပွားခဲ့ကြောင်း သိရသည်။
“ အဲ့ဒီနေ့က ကလက်နက်ကြီးသံတွေအဆက်မပြတ်ကြားရတယ် လမ်းပိတ်လို့ ဆိုပြီးလှည့်ပြန်ကြတဲ့ ကားတွေအများကြီး နေ့လည်လောက်မှာပြန်လမ်းဖွင့်ပေးတယ် ” ဟု ရွာငံဒေသခံက ပြောသည်။
ရွာငံမြို့နယ်တွင် စစ်ကော်စီတပ် နှင့်ပျူစောထီးပူးပေါင်းတပ်၊ ဓနုအမျိုးသားလွတ်မြောက်ရေးတပ်ဦး DPLA/DPLFနှင့် ဓနုပြည်နယ်အမျိုးသားကာကွယ်ရေး တပ်တော် (DSNDA)စသည့် လက် နက်ကိုင်တပ်ဖွဲ့များ လှုပ်ရှားလျက်ရှိကြောင်း သိရသည်။