(၁၀.၅.၂၀၂၃) ရက်နေ့ ညနေ (၄) နာရီခန့် မိုးရွာနေချိန်၌ ရန်ကုန်တိုင်းဒေသကြီး မြောက်ဒဂုံမြို့နယ် (၄၀) ရပ်ကွက်၊ သိန္ဒီလမ်းရှိ နေအိမ်တစ်လုံးတွင် အိမ်အကူအမျိုးသမီး (၂) ဦးမှ အသက် (၃၂) နှစ်အရွယ် အိမ်ရှင်အမျိုးသမီးကို ရိုက်သတ်ခဲ့ကြောင်း သိရသည်။ အိမ်ရှင်အမျိုးသမီးသေဆုံးပြီးနောက် ငွေကျပ်သိန်း (၅၀၀) ကို ယူဆောင်ပြီး ထွက်ပြေးသွားခဲ့သည်ဟုဆိုသည်။
သေဆုံးသူအမျိုးသမီးတွင် အသက် (၂) နှစ်အရွယ် သားငယ်တစ်ဦးကျန်ရစ်နေခဲ့ကြောင်း သိရသည်။ ၎င်း၏ အမျိုးသားဖြစ်သူသည် ကန်ထရိုက်တာတစ်ဦးဖြစ်ပြီး ကလေးနှင့်ဇနီးကို အိမ်အကူနှင့်ထားခဲ့ချိန် ဖြစ်ပွားခဲ့ခြင်းဖြစ်သည်။ ကလေးငယ်ကို တစ်စုံတစ်ရာအန္တရာယ်ပြုခြင်းမပြုသွားဘဲ ငွေကြေးများကိုသာ ယူဆောင်သွားသည်ဟု သတင်းရရှိသည်။
စစ်ကောင်စီမှ အာဏာသိမ်းပြီးနောက်ပိုင်း နိုင်ငံတစ်ဝန်း ဒုစရိုက်မှုများ ပိုမိုများပြားလာခဲ့ပြီး နေ့ခင်းကြောင် တောင် လုယက်များလည်း မကြာခဏဖြစ်ပေါ်လျက်ရှိသည်။