မြန်မာ−ထိုင်း နယ်စပ်ကုန်သွယ်ရေးအတွက် အရေးပါတဲ့လမ်းကြောင်းဖြစ်တဲ့ မြဝတီ အာရှလမ်းမကြီး ပြန်လည်ဖွင့်လှစ်သွားမယ်လို့ သိရပါတယ်။
ဘားအံ−ကော့ကရိတ်−မြဝတီ(အာရှလမ်း) ဖွင့်ပွဲကို ဧပြီလ ၂ ရက် နံနက်ပိုင်းကစပြီး ဖွင့်လှစ်သွားမှာဖြစ်တယ်လို့ ကရင်ပြည်နယ်ဝန်ကြီးချုပ်(ကိုယ်စား) လက်မှတ်နဲ့ ပြည်နယ်လုံခြုံရေးနှင့် နယ်စပ်ရေးရာဝန်ကြီး၊ လမ်းပန်းဆက်သွယ် ရေးဝန်ကြီး သို့ ပေးပို့တဲ့ထားတဲ့စာအရ သိရပါတယ်။
အဲ့ဒီလမ်းဖွင့်ပွဲကို တံတားဦးကျေးရွာ (လွန်းညရေပြာအိုင်အနီး)မှာ ကျင်းပသွားမှာဖြစ်ပြီး ပြည်နယ် အဆင့် ဌာနဆိုင်ရာများအားလုံး (မပျက်မကွက်) တက်ရောက်ပေးကြဖို့လည်း ပေးပို့တဲ့စာမှာ ပြောဆိုထားပါတယ်။
ဘားအံ−ကော့ကရိတ်−မြဝတီ (အာရှလမ်း) တစ်လျှောက်ပြန်လည်ဖွင့်လှစ်ပေးခြင်းသည် ကုန်စည် ပို့ဆောင်ရေးနဲ့ ခရီးသွားလာရေးအတွက် ပိုမိုအဆင်ပြေလာမှာဖြစ်တယ်လို့ သိရပါတယ်။
အဲ့ဒီ အာရှလမ်းပိုင်းကို စစ်ကော်မရှင်တပ်နဲ့ တော်လှန်ရေး ပူးပေါင်းတပ်တို့ တိုက်ပွဲဖြစ်ပွားတဲ့ ၂၀၂၃ ခုနှစ် ဒီဇင်ဘာလကတည်းက စတင်ပိတ်ထားခဲ့ပြီး ပြီးခဲ့တဲ့ ၂၀၂၅ ခုနှစ် စက်တင်ဘာလအတွင်းက စစ်ကော်မရှင်ဘက်မှ ပြန်လည်ထိန်းချုပ်နိုင်ကာ အာရှလမ်းမကြီးကို ပြန်လည်ဖွင့်လှစ်ဖို့ ဆောင်ရွက်လာ တာဖြစ်ပါတယ်။
အာရှလမ်းမကြီး ပြန်လည်ဖွင့်လှစ်သွားပေမယ့် မြန်မာ−ထိုင်းနယ်စပ် ကုန်သွယ်ရေးမှာ အရေးပါတဲ့ အမှတ်(၂) ချစ်ကြည်ရေးတံတားကိုတော့ ဆက်လက်ပိတ်ထားမှာဖြစ်တယ်လို့ နယ်စပ်ကုန်သွယ်ရေး အသိုင်းအဝိုင်းထံမှ သိရပါတယ်။
Photo – Credit to owner