မြဝတီမြို့နယ်၊ မေတ္တာလင်းမြိုင်ကျေးရွာအနီးက အွန်လိုင်းလိမ်လည်မှုနဲ့ လောင်းကစားမှု လုပ်ကိုင်နေတဲ့ နိုင်ငံခြားသား ၁၅၆ ဦးနဲ့အတူ လုပ်ငန်းသုံးပစ္စည်းများ ဖမ်းဆီးရမိခဲ့တယ်လို့ စစ်ကော်မရှင်က ယနေ့မှာ ထုတ်ပြန်ထားပါတယ်။
အဲ့ဒီ ကျားဖြန့်လုပ်ငန်းလုပ်ကိုင်သူကို ယမန်နေ့ မွန်းလွဲပိုင်းက မေတ္တာလင်းမြိုင်ကျေးရွာအနီးက RC ၅ ထပ် အဆောက်အအုံတစ်ခုအတွင်းမှာ တရုတ်နိုင်ငံသား ၁၄၈ ဦး၊ ထိုင်း ၃ ဦး၊ ဖိလစ်ပိုင် ၃ ဦး၊ ကမ္ဘောဒီးယား ၁ ဦးနဲ့ ရုရှား ၁ ဦး စုစု ပေါင်း ၁၅၆ ဦး အား ဖော်ထုတ်ဖမ်းဆီးနိုင်ခဲ့တာဖြစ်တယ်လို့ ဖော်ပြ ထားပါတယ်။
ဒါ့အပြင် အွန်လိုင်းလိမ်လည် လောင်းကစားမှု ပြုလုပ်ရာမှာ အသုံးပြုတဲ့ All In One ကွန်ပျူတာ ၁၁၀ လုံး၊ မိုဘိုင်းဖုန်း ၂၂၀၀ လုံးနဲ့ လုပ်ငန်းသုံးပစ္စည်းများ တွေ့ရှိဖမ်းဆီးရမိခဲ့ပြီး ဖော်ထုတ်ရှင်းလင်းခြင်းများ ဆက်လက်ဆောင်ရွက်နေတယ်လို့ ထုတ်ပြန်ထားပါတယ်။
ယခုဖမ်းဆီးရမိတဲ့ ပြည်ပနိုင်ငံသားတွေကို မြဝတီမြို့၊ မြို့မ ရဲစခန်းမှာ ထိန်းသိမ်းထားရှိကာ ပူးပေါင်းအဖွဲ့တွေက လိုအပ်တဲ့ ကိုယ်ရေးအချက်အလက်များနဲ့ မှတ်တမ်းများ စာရင်းကောက်ယူပြီး သက်ဆိုင်ရာ နိုင်ငံများသို့ အမြန်ဆုံးပြန်လည်လွှဲပြောင်းပေးအပ်နိုင်ဖို့ ဆောင်ရွက်သွားမယ်လို့ ဆိုပါတယ်။