မိုးသည်းထန်စွာရွာသွန်းပြီး တောင်ကျချောင်းရေ စီးဆင်းမှုကြောင့် ယနေ့ အောက်တိုဘာလ(၁)ရက် ညနေပိုင်းက ကလောမြို့တွင်း ရေပြန်လည်မြင့်တက် လာကြောင်း သိရသည်။
” ညနေပိုင်းကစပြီး ရေပြန်တက်လာတာ၊ အခု ရပ်ကွက်(၃)၊ ရပ်ကွက်(၂)ထဲရောက်နေတယ်၊ နာရီဝက်အတွင်းကို ရေက တစ်ပေလောက်တက်နေတာ၊ အခု ကယ်ဆယ်ရေးသမားတွေလည်း ပစ္စည်းတွေ ဝိုင်းရွေ့ပေးနေတယ်” လို့ ဒေသခံတစ်ဦးက ပြောသည်။
ပြီးခဲ့သည့် စက်တင်ဘာလ(၁၀)ရက်က မိုးသည်း ထန်စွာ ရွာသွန်းမှုကြောင့် ကလောမြို့မှာ အမြင့်ဆုံးစံချိန်တင် ရေမှတ်ရောက်ရှိပြီး ရေကြီးရေလျှံဖြစ်ပွား ကာ လူထိခိုက်သေဆုံးမှုနှင့် နေအိမ်အဆောက်အဦးပျက်စီး ဆုံးရှုံးမှု များစွာရှိကြောင်း သိရသည်။
