ကချင်ပြည်နယ်အတွင်း စစ်ကောင်စီတပ်နှင့် KIA+PDF ပူးပေါင်းတပ်တို့ တိုက်ပွဲဖြစ်ပွားမှုကြောင့် ထွက်ပြေးတိမ်းရှောင်နေရသော စစ်ပြေးရှောင်များစွာ ကျန်ရှိနေသေးကြောင်း သတင်းရရှိသည်။
လက်တလောတွင် မိုးမောက်မြို့နယ် လုံဂျာကျေးရွာ၌ စစ်ဘေးရှောင် အမျိုးသား – ၁၃၂ ဦး၊ အမျိုးသမီး – ၁၁၆ ဦး၊စုစုပေါင်း-၂၄၈ ဦး နှင့် နောင်ပေါဝ်း ကျေးရွာ၌ အမျိုးသား -၁၁၇ ဦး၊ အမျိုးသမီး -၁၃၄ ဦး၊ စုစုပေါင်း-၂၅၁ ဦး၊ နောင်ပေါဝ်းကျေးရွာ (ကချင်ပိုင်း)၌ အမျိုးသား-၈၂ ဦး၊ အမျိုးသမီး -၆၃ ဦး၊ စုစုပေါင်း-၁၄၅ ဦး ရှိပြီး ထိုရွာ ၂ ရွာပေါင်း စုစုပေါင်း စစ်ဘေးရှောင် ၈၀၀ ဦး ဝန်းကျင်ခန့် ကျန်ရှိနေသည်ဟု ဆိုသည်။
ဗန်းမော်ခရိုင်၊ မိုးမောက်မြို့နယ်နှင့် ဗန်းမော်မြို့နယ်အတွင်းရှိ စစ်ဘေးရှောင် မိဘပြည်သူများအတွက် MSFF (Japan) အဖွဲ့၏ ပံ့ပိုးကူညီမှုဖြင့် စုစုပေါင်း တန်ဖိုးငွေ ၂,၀၀၀,၀၀၀ ကျပ် (သိန်းနှစ်ဆယ်ကျပ်) တန်ဖိုးရှိသော ပဲပုတ်၊ကြက်ဥ၊ ငါးသေတ္တာ၊ခေါက်ဆွဲခြောက်၊ဆီ စသော စားနပ်ရိက္ခာနှင့် ဆပ်ပြာများကို ဒေသခံလူငယ်များက ဝယ်ယူပြီး လှုဒါန်းပေးခဲ့ကြောင်း သိရသည်။
အလားတူ ဖားကန့်မြို့နယ် (ဆယ်ဇင်း)၊ ဗန်းမောက်မြို့နယ်၊ မိုးမောက်မြို့နယ်၊ ကျောက်မဲမြို့နယ်၊ လဲချားမြို့နယ်၊ တောင်ကြီး(ဟိုပုံး)မြို့နယ် နှင့် သျှမ်းတိုင်းရင်းသားများ နေထိုင်ရာဒေသများ အတွင်းရှိ စစ်ဘေးရှောင် ပြည်သူများအား လှူဒါန်းလိုပါက Tai Youth Yangon page messenger နှင့် သျှမ်းစာပေနှင့်ယဥ်ကျေးမှူအသင်း-မိုးမောက်မြို့နယ်၊ သျှမ်းစာပေနှင့် ယဥ်ကျေးမှုအသင်း-ကျောက်မဲမြို့နယ် တို့ထံတွင် အသေးစိတ် စုံစမ်း မေးမြန်း လှူဒါန်း၍ ရနိုင်ပါသည်။
credit & Tai Youth Yangon
taiyouthyangon@protonmail.com
#HsanLoiVoice
https://instagram.com/hsan.loivoice?igshid=YmMyMTA2M2Y=
https://hsanloivoice.org/