TNLA ထိန်းချုပ်ထားတဲ့ မိုးကုတ်မြို့ အနောက်ပိုင်းကို စစ်ကောင်စီက လေကြောင်းနဲ့ လာရောက်ဗုံးကြဲတိုက်ခိုက်တာကြောင့် ပြည်သူ ၅ ဦးသေဆုံးပြီး ၂၀ဦးခန့် ဒဏ်ရာရရှိတယ်လို့ ဒေသတွင်း သတင်းရင်းမြစ်ထံမှ သိရပါတယ်။
ယမန်နေ့ ညသန်းခေါင်(၁၂)နာရီကျော်အချိန်က မိုးကုတ်မြို့ အနောက်ပိုင်းရှိ ဝင်းထရံလုပ်ကွက်မှာ လေကြောင်းနဲ့ ဗုံး(၇)ကြိမ်ခန့် လာရောက်ကြဲခဲ့တယ်လို့ မိုးကုတ်မြို့ ခံတွေဆီက သိရပါတယ်။
ပြီးခဲ့တဲ့ ဇန်နဝါရီလ ပထမပတ်ကလည်း မိုးကုတ်မြို့ကို စစ်ကောင်စီက Y-12 လေယာဥ်နဲ့ ဗုံးကြဲတိုက်ခိုက်တာကြောင့် လူသေဆုံးမှုမရှိပေမယ့် နေအိမ် (၅)လုံးနဲ့ ဘုန်းကြီးကြောင်းများ ထိခိုက်ပျက်စီးခဲ့ပါတယ်။
မိုးကုတ်မြို့ကို ယမန်နှစ် ဇူလိုင်လအတွင်းက TNLA နဲ့ MDY-PDF ပူးပေါင်းအဖွဲ့တို့က တိုက်ခိုက်သိမ်းပိုက်ထားတာဖြစ်ပြီး အုပ်ချုပ်ရေးယန္တရားဖော်ဆောင်နေတဲ့ မြို့လည်းဖြစ်ပါတယ်။
