တတိယအကြိမ်လွှတ်တော်အစည်းအဝေးကို လာမယ့် မတ်လအတွင်း နေပြည်တော်မှာ စတင်ကျင်းပရန် ခေါ်ယူကြောင်း အမျိုးသားကာကွယ်ရေးနှင့် လုံခြုံရေးကောင်စီ(ကာ/လုံ)က ယမန်နေ့ ဖေဖော်ဝါရီလ ၂၃ ရက်မှာ ထုတ်ပြန် ကြေညာထားပါတယ်။
မတ်လ ၁၆ ရက် နံနက် ၁၀ နာရီမှာ တတိယအကြိမ် ပြည်သူ့လွှတ်တော် အစည်းအဝေးကို နေပြည်တော်မှာ ကျင်းပမှာဖြစ်ပြီး ပြည်သူ့လွှတ်တော်ဥက္ကဋ္ဌ ဦးတီခွန်မြတ် က ခေါ်ယူတာြဖစ်ပါတယ်။
မတ်လ ၁၈ ရက်နေ့ နံနက် ၁၀ နာရီမှာ တတိယအကြိမ် အမျိုးသားလွှတ်တော် ပထမပုံမှန်အစည်းအဝေး ကို နေပြည်တော်မှာ ကျင်းပမှာဖြစ်ပြီး အမျိုးသားကာကွယ်ရေးနှင့် လုံခြုံရေးကောင်စီ အမှုဆောင်ချုပ် အောင်လင်းဒွေး က ခေါ်ယူတာဖြစ်ပါတယ်။
ဒါ့အပြင် တတိယအကြိမ် တိုင်းဒေသကြီးနှင့် ပြည်နယ်လွှတ်တော် ပထမပုံမှန်အစည်းအဝေးကိုတော့ မတ်လ ၂၀ ရက်နေ့မှ စတင်ကျင်းပမယ်လို့ ကာ/လုံ က ထုတ်ပြန်ထားပါတယ်။
ကျင်းပပြီးစီးခဲ့တဲ့ ရွေးကောက်ပွဲ အပိုင်း ၃ ပိုင်း စလုံးမှာ စစ်တပ်ကျော ထောက် နောက်ခံပါတီဖြစ်တဲ့ ပြည်ခိုင်ဖြိုးပါတီ(USDP) က ပြည်သူ့လွှတ်တော်နဲ့ အမျိုးသားလွှတ်တော် အမတ်နေရာ စုစုပေါင်း ၃၃၉ နေရာအထိ အနိုင်ရရှိထားတယ်လို့ ရွေးကောက်ပွဲကော်မရှင်ရဲ့ ထုတ်ပြန်ချက်အရသိရပါတယ်။