မကြာသေးမီက ဖွင့်လှစ်ထားတဲ့ တရုတ်နိုင်ငံ အနောက်တောင်ပိုင်း ဆီချွမ်ပြည်နယ်နဲ့ တိဗက်ဒေသကို ဆက်သွယ်ထားတဲ့ အဝေးပြေးလမ်းမကြီးပေါ်ရှိ ဟုန်ချိတံတားဟာ ယမန်နေ့ နိုဝင်ဘာလ ၁၁ ရက်က ကျိုးကျပျက်စီးသွားခဲ့တယ်လို့ သိရပါတယ်။
တံတားဧရိယာတဝိုက်မှာ မြေပြိုမှုတွေ ဖြစ်ပေါ်ခဲ့တာကြောင့် အရှည် ၇၅၈ မီတာရှိတဲ့ ဟုန်ချိတံတားကို ပြီးခဲ့တဲ့ နိုဝင်ဘာလ ၁၀ ရက်က နေ့လည်ပိုင်းက ယာဥ်ဖြတ်သန်းခွင့် ကြိုတင်ပိတ်ခဲ့တဲ့အတွက် လူထိခိုက် သေဆုံးမှု မရှိခဲ့ဘူးလို့ သိရပါတယ်။
တံတားတည်ဆောက်မှုကို ယခုနှစ်အစောပိုင်းတွင် ပြီးစီးခဲ့ပြီး ဖွင့်လှစ်ထားတာ လပိုင်း လောက်သာ ရှိသေးကာ ယခုလို တံတားကျိုးကျသွားမှုကြောင့် တံတားကို ဘယ်အချိန် ပြန်လည်ပြင်ဆင် ဖွင့်လှစ်သွားမယ်ဆိုတာ မခန့်မှန်းနိုင်သေးဘူးလို့ တံတားတည်ဆောက်တဲ့ ကန်ထရိုက်တာ ဆီချွမ် လမ်းနှင့်တံတား အုပ်စုက ဆိုရှယ်မီဒီယာမှာ ရေးသားဖော်ပြထားပါတယ်။