ဘင်္ဂလားပင်လယ်အော် တောင်ပိုင်းနှင့် ဆက်စပ်လျက်ရှိသည့် ဘင်္ဂလားပင်လယ်အော် အရှေ့တောင်ပိုင်းပင်လယ်ပြင်မှာ ဖြစ်ပေါ်နေတဲ့ လေဖိအားနည်း ရပ်ဝန်းရဲ့ အရှိန်ကြောင့် သျှမ်းပြည်နယ်အတွင်း မိုးများနိုင်တယ်လို့ မိုးလေဝသပညာရှင် ဦး၀င်နိုင် က ယနေ့ နိုဝင်ဘာလ (၅)ရက်မှာ သတိပေးထုတ်ပြန်ထားပါသည်။
နို၀င်ဘာလ(၆)ရက်နေ့မှ (၈)ရက်နေ့အထိ ရခိုင် ပြည်နယ်တောင်ပိုင်း၊ ပဲခူးတိုင်းအနောက်ပိုင်းနဲ့ ပဲခူးတိုင်းအရှေ့မြောက်ပိုင်း၊ တောင်ငူမြို့အထက်ပိုင်း၊ နေပြည်တော်၊ သျှမ်းပြည် နယ်တောင်ပိုင်း၊ မကွေးတိုင်းတောင်ပိုင်း၊ မန္တလေးမြို့အောက်ဘက်ဒေသတို့မှာ မိုးများနိုင်သည်ဟု ပြောဆိုထားပါသည်။
အချို့ဒေသတွေမှာ ဒေသအလိုက်နေရာကွက်ပြီး မိုးကြီးတာ ဖြစ်နိုင်ပြီး မြစ်ချောင်းအင်းအိုင်အနီးတွင် နေထိုင်ကြသူများ ရေကြီး၊ ရေလျှံမှုကို ကြိုတင်သတိပြု ရှောင်ရှားကြရန်နှင့် လေပြင်းတိုက်ခတ်မှုတွေ ရှိလာနိုင်တယ်လို့ မိုးဇလက ထုတ်ပြန်ထားကြောင်း သိရသည်။