၂၀၂၃ ခုနှစ်၊ မတ်လ ၇ ရက် ယနေ့ မွန်းလွဲပိုင်း ၁း၀၀ နာရီခန့်တွင် သျှမ်းပြည်မြောက်ပိုင်း ကျောက်မဲမြို့နယ်၊ ပင်ပေါကျေးရွာအုပ်စု၊ ပင်ပေါကျေးရွာ တောင်ဖက် (၂) မိုင်ခန့်အကွာရှိ ၊ ဂုတ်တွင်းကမ်းပါးယံ မရောက်ခင် ယာတော တဲအတွင်း သေဆုံးနေသော ရုပ်အလောင်းတစ်လောင်းအား တွေ့ရှိခဲ့ကြောင်း ကမ်းလင့်လက်များ လူမှုကူညီရေးအသင်းကတဆင့် သိရပါသည်။
သေဆုံးသူ၏ ဘေးတွင် ပေါင်းသတ်ဆေးဗူးတဗူးနှင့် ပေါင်းသတ်ဆေးထုပ် တထုပ် တွေ့ရှိပြီး ပေါင်းသတ်ဆေးသောက်၍ သေဆုံးထားခြင်း ဟုတ်မဟုတ် ဆက်လက်စစ်ဆေးသွားမည်ဟုဆိုသည်။
သေဆုံးသူ၏ ခန္ဓာကိုယ်တွင် ဒဏ်ရာဒဏ်ချက် များ မတွေ့ရှိရဘဲ အော့အန်ထားသည်များကိုသာ တွေ့ရှိကြောင်း သိရပါသည်။
သေဆုံးသူသည် နောင်ချိုမြို့နယ်၊ ကုန်းစံကျေးရွာကဖြစ်ကြောင်း သိရပါသည်။
ယင်းကိစ္စနှင့် ပါတ်သက်၍ လူမှုကူညီရေးအသင်းသို့ ဆက်သွယ်မေးမြန်းခဲ့သော်လည်း ဖုန်းလက်ခံဖြေကြားခြင်း မရှိခဲ့ပါ။
Source: ကမ်းလင့်လက်များ လူမှုကူညီရေး