ထိုင်းနိုင်ငံ၏ မေလ ရွှေးကောက်ပွဲ၌ အနိုင်ရရှိခဲ့သော Move Forward ပါတီခေါင်းဆောင် ပီတာကို ထိုင်းဝန်ကြီးချုပ်သစ် ဖြစ်သင့် မသင့်၊ ထိုင်းပါလီမန်၌ အထက်နှင့်အောက် အမတ်များ စုပေါင်း၍ ယနေ့ ဇူလိူင်လ ၁၃ ရက်နေ့တွင် ပွင့်ပွင့်လင်းလင်း မဲပေးခဲ့ကြသည်။
လူထုတိုက်ရိုက်ရွှေးကောက်ခံအမတ်များ (အောက်ပါလီမန်အမတ်များ) နှင့် စစ်တပ်ခန့် ဆီနိတ်တာ အမတ်များ (အထက်ပါလီမန် အမတ်များ) ပေါင်း၍ မဲပေးစေခဲ့သော်လည်း စုစုပေါင်း ၃၂၄ မဲသာ ရရှိခဲ့သည်။
အမှန်အားဖြင့် ၃၇၆ မဲရရှိမှသာ ပီတာ ဝန်ကြီးချုပ်ဖြစ်နိုင်မည် ဖြစ်သည်။
အောက်ပါလီမန်အမတ် ၄၆၀ ဦးနှင့် စစ်တပ်ခန့် ဆီနိတ်တာ အမတ် ၂၁၆ ဦး ယနေ့မဲပေးရာ၌ ပါဝင်ခဲ့သည်။
ပီတာကို ထောက်ခံသည့်အမတ်အားလုံးပေါင်း ၃၂၄ ဦးရှိပြီး၊ ၁၈၂ ဦးက ဆန့်ကျင်မဲပေးသည်။ ၁၉၉ ဦးက ကြားနေခဲ့သည်။
စစ်တပ်ခန့် ဆီနိတ်တာ အမတ် ၂၅၀ ထဲမှ ၁၃ ဦးသာ ပီတာကို ထောက်ခံမဲပေး၍ ၃၉ ဦးက ဆန့်ကျင်ပြီး ၁၅၉ ဦးက ကြားနေခဲ့သည်။
ပီတာ ဝန်ကြီးချုပ်ဖြစ်ရန် ဆန့်ကျင် မဲပေးသည့် အမတ်အများစုသည် ထိုင်းဘုရင်စစ်တပ်ခန့် ဆီနိတ်တာအမတ် အများစုနှင့် ယခင်အမတ်ဟောင်းများဖြစ်သည်။ ၎င်းတို့က ဘုရင့်သစ္စာခံဟု ခံရယူကြပြီး ထိုင်းဘုရင်ကြီးကို နိုင်ငံတော်၏ ဥသျှောင်အဖြစ် ဆက်လက်ထားရှိလိုကြသည့် လက်ယာနိုင်ငံရေးသမားများ အစုအဖွဲ့များဖြစ်သည်။
ကြားနေမဲပေးသောအမတ်များက ပီတာနှင့် ၎င်းပါတီသည် ထိုင်းဘုရင်ကြီး နိုင်ငံတော် ဥသျှောင်အဖြစ် ပယ်ဖျက်ရေးကိုသာ အလေးပေးပြောပြော နေသောကြောင့် ကြားနေမဲအဖြစ်နေကြသည်ဟုဆိုသည်။
ပီတာက ယခုလက်ရှိ ထိုင်း ဘုရင်ကြီးကို နိုင်ငံတော် ဥသျှောင်အဖြစ်မှ ပယ်ဖျက်ရန် ကြိုးစားနေသည့် ခေတ်သစ်လူငယ်ဖြစ်သည်။ ယင်းဖွဲ့စည်းအုပ်ချုပ်ပုံ အခြေခံဥပဒေ အပိုဒ် ၁၁၂ ကို ပြည်သူ့ဆန္ဒနှင့်အညီ ပြင်ဆင်မည်ဟု ပီတာက တရားဝင် ထုတ်ဖော်ပြောကြားထားသည်။
တချိန်တည်း၌ ထိုင်းရွှေးကောက်ပွဲကော်မရှင်ကလည်း ပီတာကို အိုင်တီဗီရှယ်ရာ ၄၂၀၀၀ ပိုင်ဆိုင်ထားခြင်းကို အကြောင်းပြကာ ဖွဲ့စည်းပုံအခြေခံဥပဒေခုံရုံး၌ ဝန်ကြီးချုပ်ရာထူးနှင့် မသင့်လျော်ကြောင်း အမှုဖွင့်ရန် ကြိုးပမ်းနေသည်။ သို့သော် ဤကိစ္စသည် သိပ်ပြီး မထင်ပေါ်ပါ။
ပီတာ ဝန်ကြီးချုပ်ဖြစ်ရန် မဲအရေအတွက် ၅၂ သို့ ၅၃ မဲ ခန့် လိုအပ်သည်။
လာမည့် ဇူလိူင်လ ၁၉ ရက်နေ့တွင် ဒုတိယအကြိမ် ထပ်မံ မဲခွဲဆုံးဖြတ်ကြမည်ဖြစ်သည်။ ပီတာက ဇွဲမလျော့ကြောင်းနှင့် ယနေ့ မဲပေးသောရလဒ်ကို လက်ခံကြောင်း ပြောကြားခဲ့သည်။
Ref: The Nation, Bangkok Post, Khaosod (Photo: The Nation)