တောင်ကြီးမြို့နယ်၊ပန်သခွါးစာသင်ကျောင်းအနီးတွင် အောက်တိုဘာ ၂၆ ညနေ ၄ နာရီအချိန်ခန့်က ဟိုင်းဂျက်ကားမောင်းနှင်လာသူ အမျိုးသားတစ်ဦး ရုတ်တရက်ဦးနှောက် သွေးကြောပေါက်ပြီး ကားပေါ်တွင် သေဆုံးသွားခဲ့ကြောင်း သိရသည်။
” Hijet ကားတစ်စီး၊ အထက ပန်သခွါးစာသင် ကျောင်းအကျော်နားလောက်မှာ လမ်းဘေးသို့ထိုးရပ်သွားလို့ ပတ်ဝန်းကျင်က လူတွေဘာဖြစ်တာလဲဆိုပြီး သွားကြည့်ကြတော့ ကားသမားသတိလစ်နေပြီ ကြက်ခြေနီအဖွဲ့ရောက်လာပြီး စစ်ဆေးကြည့်တော့ ဆုံးသွားပြီ ” ဟု ပန်သခွားအနီး နေထိုင်တစ်ဦးကပြောသည် ။
အခင်းဖြစ်ရာနေရာသို့ ၁၀ မိနစ်အကြာတွင် လွယ်ကောင်းကြက်ခြေနီတပ်ဖွဲ့နှင့် ထီရီး ကြက်ခြေနီသူနာပြုတပ်ဖွဲ့ဝင်များရောက် ရှိလာကြပြီး လူနာကိုကယ်တင်ဖို့ကြိုးစား သော်လည်းလူနာသည်သွေး တိုးရှိန်မြှင့်တက်ပြီး ဦးနှောက်သွေးကြောပေါက် သွားခြင်းဖြစ် သည်ဟု ကြက်ခြေနီအဖွဲ့တာဝန်ရှိသူများကဆိုသည်။
ကားပေါ်တွင်ယာဉ် မောင်းသူတစ်ဦးသာရှိသည်ကို တွေ့ရသောကြောင့် ကြက်ခြေနီ တပ်ဖွဲ့မှ သေဆုံးသူဖုန်းဖြင့် မိသားစုဝင် များကို ခေါ်ဆိုချိတ်ဆက်ပေးပြီး ကားပေါ်တွင်တွေ့ရှိသောငွေကြေးနှင့်စာရွက် စာတမ်း၊ဖုန်းစသည်များကို မိသားစုထံပြန်လည်အပ်နှံ ခဲ့ကြောင်း သိရသည်။
ယင်းကဲ့သို့ အရေးပေါ် အခြေအနေ တွင်ယာဉ် မောင်းသူသည် လူနာအသက်ရှင်ဖို့အချိန်မှီကယ် တင်နိုင်ရန်အတွက် ဝိုင်ယာလက်မီးဖွင့်ခြင်း၊အသံပြုခြင်း၊ ကားစုံမီးဖွင့်ခြင်း၊ ဟွန်းတီးလမ်းတောင်းခြင်း စသည်များပြုလုပ်ပါမည်။ အရေးမကြီးဘဲ အရေးပေါ် ယာဉ်မောင်းသူက ဤအပြုအမူကို ပြုလုပ်မည်မဟုတ်ပါ။
ထို့ကြောင့် မိဘပြည်သူများ လူသားခြင်းစာနာထောက် ထားသောအားဖြင့် လမ်းဖယ်ပေးစေလိုကြောင်း ကြက်ခြေနီတပ်ဖွဲ့မှ တာဝန်ရှိသူများက သတိပေးထားသည်။