သျှမ်းပြည်နယ်မြောက်ပိုင်း၊ နောင်ချိုမြို့တွင် နိုဝင်ဘာလ(၁၀)ရက် ညနေပိုင်းအချိန်က စစ်ကောင်စီမှ ဂျက်ဖိုင်တာဖြင့် ပေါင်(၃၀၀)ဗုံး ထပ်မံဗုံးကြဲမှုကြောင့် နေအိမ်(၇)လုံး ထိမှန်ပျက်စီးခဲ့ကြောင်း TNLA ထံမှ သိရသည်။
ဗုံးကြဲမှုကြောင့် ရဲစခန်း၊ စျေးရပ်ကွက်နှင့် တောင်ရပ်ကွက်အတွင်းသို့ ကျရောက်ပေါက်ကွဲပြီး ရဲစခန်းနှင့် စျေးရပ်ကွက်တွင် နေအိမ်(၄)လုံးနှင့် တောင်ရပ်ကွက်တွင် နေအိမ် (၃)လုံး ထိမှန်ပျက်စီးပြီး လူထိခိုက်မှုမရှိကြောင်း သိရသည်။
ပြီးခဲ့သည့် နိုဝင်ဘာလ(၄)ရက်နေ့တွင် နောင်ချိုမြို့နယ် မြောင်ဇီးရွာတွင် စစ်ကောင်စီမှ ဂျက်ဖိုက်တာဖြင့် ဗုံးကြဲမှုကြောင့် နေအိမ်အများအပြား ထိမှန်ပျက်စီးခဲ့သလို နိုဝင်ဘာလ(၂)ရက်နေ့တွင်လည်း နောင်ချိုမြို့နယ် ဆမ္မဆယ်ကျေးရွာမှာ ဂျက်ဖိုင်တာဖြင့် (၃)ကြိမ်လာရောက် ဗုံးကြဲချတိုက်ခိုက်မှုကြောင့် ဒေသခံ (၃)ဦးသေဆုံးပြီး (၆)ဦး ဒဏ်ရာရရှိခဲ့ကြောင်း သတင်းရရှိသည်။
