သျှမ်းပြည်နယ်မြောက်ပိုင်း နမ့်လန်မြို့နယ်အတွင်းရှိ ပြောင်းစိုက်ခင်းအချို့ မိုးရွာသွန်းကြောင့် ပျက်စီးဆုံးရှုံးမှု ဖြစ်ခဲ့ကြောင်း သိရသည်။
နမ့်လန်မြို့နယ်တောင်ဘက် တောင်ကြီးဖာရေးကျေးရွာသွားလမ်းဘေးရှိ ပြောင်းစိုက်ခင်းများ ရေလွမ်းမှုကြောင့် ပျက်စီးဆုံးရှုံးမှုများ ဖြစ်ပေါ်နေသည်။
“ မိုးက နည်းနည်းနောက်ကျမှ ရွာတော့ စိုက်ပျိုးရတာ ကိုးလို့ကန့်လန့်ဖြစ်ကုန်တယ်။ အစောပိုင်းတုန်းက မိုးကသိပ်မရွာဘူး တချို့တောင်သူတွေက မိုးကိုစောင့်ရင်းစိုက်ကြရတာလေနော်။ တချို့ကျတော့ မစောင့်နိုင်လို့ကြိုစိုက်လိုက်ကြတယ် မိုးရေကောင်းကောင်းမရတော့ အပင်ထွက်ပေမယ့် အပင်တွေက သိပ်မသန်ကြဘူး။ အခုမှ မိုးက ဆက်တိုက်ရွာတော့ ပြောင်းခင်းတွေကပျက်စီးကုန်ပါလေရော့။” ဟု နမ့်လန်မြို့နယ် ဒေသခံတစ်ဦးကပြောပြသည်။
ဒါ့အပြင် အဆိုပါလမ်းဘေးရှိ စပါးစိုက်ခင်းအချို့လည်း ရေတိုက်စားမှုကြောင့် ပျက်စီးမှုများရှိကြောင်း သတင်းရရှိသည်။