ပြည်ထောင်စုအတိုင်ပင်ခံကောင်စီကိုဖွဲ့စည်းလိုက်ကြောင်း ကြေညာပြီး ဥက္ကဋ္ဌနေရာကို ဒုတပ်ချုပ်ဟောင်း စိုးဝင်း အား ခန့်အပ်လိုက်တယ်လို့ သမ္မတအဖြစ် ကျမ်းသစ္စာကျိန်ဆိုတဲ့ မင်းအောင်လှိုင် က ယနေ့မှာ ထုတ်ပြန်ကြေညာပါတယ်။
အဲ့ဒီ ပြည်ထောင်စုအတိုင်ပင်ခံကောင်စီဟာ ပြည်ထောင်စုရဲ့ လုံခြုံရေးနှင့် တရားဥပဒေစိုးမိုးရေး၊ နိုင်ငံတကာ ဆက်ဆံရေး၊ ငြိမ်းချမ်းရေးနဲ့ ဥပဒေပြဋ္ဌာန်းရေးဆိုင်ရာ ကိစ္စရပ်တွေကို အကြံပေးတာ ညှိနှိုင်းဆောင်ရွက်တာတွေ ပြုလုပ်နိုင်ဖို့အတွက် ဖွဲ့စည်းခဲ့တာဖြစ်ပါတယ်။
ကောင်စီဥက္ကဋ္ဌအဖြစ် စိုးဝင်း၊ အတွင်းရေးမှူးအဖြစ် မောင်မောင်အေး တို့က တာဝန်ယူပြီး ကောင်စီဝင်အဖြစ် ဦးသန်းဆွေ၊ ဦးကိုကိုလှိုင်၊ ဦးမိုးအောင်၊ ဒေါက်တာရင်ရင်နွယ်၊ ဒေါ်ချိုချိုကျော်ငြိမ်း၊ ဦးကိုကိုကြီး၊ မန်းငြိမ်းမောင်၊ ဒေါ်ဒွဲဘူနှင့် ဦးဇော်အေးမောင် တို့ ပါဝင်တယ်လို့ သိရပါတယ်။