စစ်ကောင်စီက ၂၀၂၄ ခုနှစ် ဖေဖော်ဝါရီလ(၁၀)ရက်နေ့တွင် ပြည်သူ့စစ်မှုထမ်းဥပဒေထုတ်ပြန်ခဲ့ခြင်းကြောင့် တစ်ရက်ထက်တစ်ရက် နိုင်ငံကူးလက်မှတ်(Passport) နှင့် ဗီဇာလျှောက်ထားသူ များပြားလျက်ရှိကြောင်း သိရသည်။
ယခုအခါ မြန်မာနိုင်ငံဆိုင်ရာ ထိုင်းသံရုံးက ဖေဖော်ဝါရီလ(၁၄)ရက်နေ့က စတင်ပြီး တစ်ရက်လျှင် ဗီဇာလျှောက်ထားသူအရေအတွက် လူဦးရေ(၄၀၀)ဦးသာ လက်ခံဆောင်ရွက်မည်ဟု ထုတ်ပြန်ခဲ့သည်။ ထုတ်ပြန်ချက်ထဲတွင် ဗီဇာလျှောက်ထားသူကိုယ်တိုင် တိုကင်ထုတ်ယူရမည်ဖြစ်ပြီး အလွဲသုံးစားလုပ်ခြင်း(သို့)တိုကင်အတုအပပြုလုပ်ခြင်းများ ပြုလုပ်ပါက (Blacklist) ထဲတွင် ထည့်သွင်းမှတ်တမ်းတင်ထားမည်ဟုဆိုသည်။