ယနေ့ ဇန်နဝါရီလ ၁၅ ရက် နံနက် ၉ နာရီကျော်အချိန်က ထိုင်းနိုင်ငံ စမုတ်စခွန်ပြည်နယ်ရှိ ရာမ ၂ လမ်းပေါ်မှာ ဆောက်လုပ်ရေးကရိန်း တစ်ခု ပြိုကျခဲ့ပြီး ယာဥ် ၂ စီး ဖိမိကာ ကနဦးသတင်းအရ လူ ၂ ဦး သေဆုံးတယ်လို့ ထိုင်းသတင်းတွေကဆိုပါတယ်။
ဖြစ်ပွားရာနေရာမှာ The Chin မြစ်ကူးတံတားသို့ တက်ရန် ချဥ်းကပ်လမ်းမရောက်မီ ရာမ ၂ လမ်း တောင်ဘက်သွားလမ်းကြောင်းမှာ ဖြစ်ပွားခဲ့တာဖြစ်ပါတယ်။
အဆိုပါနေရာကို ကယ်ဆယ်ရေးလုပ်ငန်းများ လုပ် ဆောင် နေဆဲဖြစ်သလို ကရိန်းပြိုကျရတဲ့ အကြောင်းအရင်းကို တာဝန်ရှိသူတွေက စုံစမ်းစစ်ဆေးနေတယ်လို့ ဆိုပါတယ်။
ယမန်နေ့ကလည်း ထိုင်းနိုင်ငံ အရှေ့မြောက်ပိုင်းမှာ ခုတ်မောင်းနေတဲ့ ရထားတစ်စင်းပေါ် ကရိန်းပြိုကျမှု ကြောင့် လူ ၃၀ ခန့် သေဆုံးကာ ဒဏ်ရာရရှိသူ အများအပြားရှိခဲ့ပါတယ်။
