ကရင်ပြည်နယ်၊ မြဝတီမြို့မှ ပြည်သူများသည် ဒီကနေ့ မတ်လ ၃ ရက်နေ့မှာ ထိုင်းနိုင်ငံ မဲဆောက်ဘက်ရှိ ဆီဆိုင်များသို့ စက်သုံးဆီများ သွားရောက်ဖြည့်တင်းသူ များပြားလျက်ရှိတယ်လို့ ဒေသတွင်း သတင်းရင်းမြစ်ထံမှ သိရပါတယ်။
မြဝတီဘက်က ပြည်သူတွေဟာ ခရီးသည်တင် မှန်လုံယာဉ်(Van)များဖြင့် ထိုင်း-မြန်မာ ချစ်ကြည်ရေးတံတား အမှတ်(၁)ကို ဖြတ်ကျော်ဝင်ရောက်လာကြပြီး မဲဆောက်ရှိ ဆီဆိုင်တွေမှာ တန်းစီကာ ဆီဖြည့်နေကြပြီး မြန်မာကားတွေ သာမက ထိုင်းနိုင်ငံသားပိုင် ကိုယ်ပိုင်ကားတွေနဲ့ ကုန်တင်ကားတွေပါ ဆီဆိုင်တွေမှာ တန်းစီဝယ်ယူနေကြတယ်လို့ သိရပါတယ်။
ထိုင်းအစိုးရအနေနဲ့ အွန်လိုင်းငွေလိမ်ဂိုဏ်း (Scammer)များ လျှပ်စစ်ဓာတ်အား ထုတ်လုပ်ရာမှာ အသုံး မပြုနိုင်စေဖို့အတွက် မြန်မာနိုင်ငံဘက်သို့ စက်သုံးဆီ တင်ပို့တာကို တားမြစ်ပိတ်ပင်ထားတာပါ။
သို့ပေမဲ့ မြန်မာနိုင်ငံသားများအနေဖြင့် ကိုယ်ပိုင်ကားတွေနဲ့ လာရောက်ဆီဖြည့်ခြင်းကိုမူ ခွင့်ပြုထား တယ်လို့ သိရပါတယ်။
မြဝတီမြို့ပေါ်က ဆီဆိုင်တွေမှာ စက်သုံးဆီကို အကန့်အသတ်နဲ့ ရောင်းချပေးနေပြီး အချို့ဆိုင် တွေမှာတော့ ပိတ်ထားတယ်လို့ သိရပါတယ်။