ထိုင်းနိုင်ငံတောင်ပိုင်း ခရီးသွားမြို့တစ်ခုဖြစ်တဲ့ ကရာဘီမြို့မှာ ချစ်သူများနေ့ (Valentine’s Day) အတွက် မီးနီအချက်ပြမီးပွိုင့်တွေကို အသည်းနှလုံးပုံအဖြစ် အစားထိုးပြောင်းလဲပေးထားပါတယ်။
ဒီလိုလုပ်ဆောင်တာဟာ မြို့ကိုပိုပြီးချစ်စရာကောင်းအောင်နဲ့ လူတွေ ပျော်ရွှင်ပြီး စိတ်အေးချမ်းစေဖို့ ရည်ရွယ်ချက်နဲ့ လုပ်ဆောင်ထားတဲ့ အစီအစဥ်တစ်ခုပဲဖြစ်ပါတယ်။
ဖေဖော်ဝါရီလ ၁၁ ရက်နေ့ကစပြီး ကရာဘီမြို့နယ်က အဓိကလမ်းဆုံ ၆ နေရာမှာ ပုံမှန်အချက်ပြ မီးပွိုင့်ဖြစ်တဲ့ မီးနီနေရာမှာ အသည်းနှလုံးပုံနဲ့ အစားထိုးတာပါ။
ဒီလိုလုပ်ဆောင်မှုက ဒေသခံတွေ၊ အခြားဒေသက လာရောက်လည်ပတ်တဲ့ ခရီးသွားဧည့်သည်တွေကို ကရာဘီမြို့မှာ အားလပ်ရက်အနေနဲ့ အပန်းဖြေလာရောက်ဖို့ အားပေးတဲ့အပြင် လူတွေရဲ့ စိတ်ဖိစီးမှုကို လျှော့နည်းစေဖို့ မျှော်လင့်ထားပြီး လူအများကတော့ သဘောကျနေကြတယ်လို့ သိရပါတယ်။
Photo – Credit to owner