သျှမ်းပြည်နယ်တောင်ပိုင်း၊ ပင်လောင်းမြို့နယ်၊ စင်းတောင်းကျေးရွာအုပ်စု၊ ဆောင်းပြောင်း ကျေး ရွာ ဘက်မှာ မိုးရာသီအစပြုလာပြီဖြစ်တာမို့ တောင်ရာစိုက်ခင်းများ စိုက်ပျိုးသည့်အချိန်ဖြစ်တာနှင့်အညီ ယခုတိုက်ပွဲတွေ ပြင်းထန်နေပြီး ဌာနေပြည်သူများ အခက်ကြုံကာ ရွာလုံးကျွတ် စစ်ဘေးတိမ်းရှောင်နေရလို့ သိရသည်။
မေလ တတိယအပတ်ကစပြီး စစ်ကောင်စီတပ်၊ PNO ပြည်သူ့စစ် ပူးပေါင်းအဖွဲ့နှင့် ကရင်နီတော်လှန်ရေးတပ်တွေအကြား တိုက်ပွဲဖြစ်ပွားနေပြီးဆောင်းပြောင်းကျေးရွာ အပါအဝင် စင်းတောင်းကျေးအုပ်စုထဲမှာရှိတဲ့ ကျေးရွာများအားလုံးနီးပါး ပင်လောင်းမြို့ပေါ်နှင့် ဘေးလွတ်ရာကျေးရွာများသို့ ထွက်ပြေးတိမ်းရှောင်နေကြကြောင်းသိရသည်။
“ စစ်ပွဲက ပင်လောင်းမြို့နဲ့ ၈မိုင်ခန့်အကွာမှာဖြစ်ပွားတာ၊ ပထမအကြိမ်ဖြစ်တုန်းက ငြိမ်သွားပေမဲ့ ယခုဒုတိယအကြိမ် ပြန်ဖြစ်တာ ၅ ရက် လောက်ရှိပြီ၊ နှစ်ဖက်တပ် တိုက်ပွဲက ပြင်းထန်နေတာ၊ လူနေအိမ် တွေလည်း မီးလောင်တာတွေရှိတယ်၊ စစ်တပ်ဘက် ကလည်း လေကြောင်းတွေနဲ့ အသုံးပြုတိုက်ခိုက်နေတယ်” လို့ ပင်လောင်းဒေသခံတစ်ဦးက ပြောသည်။
စစ်ကောင်စီတပ်၊ PNOပြည်သူ့စစ် ပူးပေါင်းအဖွဲ့နှင့် ကရင်နီတော်လှန်ရေးတပ်တွေအကြား ယခုရက် ပိုင်း တိုက်ပွဲများပြင်းထန်ကာ နှစ်ဖက်တပ်များ ထိခိုက်သေဆုံးမှုတွေရှိနေကြောင်းသိရပါသည်။
