တောင်ကြီးမြို့ ဗိုလ်ချုပ်ပန်းခြံအား စည်ကားသာယာလှပစေရေး ခေါင်းစဥ်တပ်ကာ မြို့နယ် စည်ပင်သာယာရေးနှင့် ရှမ်းချယ်ရီတောင်တန်း ဆောက်လုပ်ရေးကုမ္ပဏီတို့ အကျိုးတူပူးပေါင်း၍ (၃)ထပ် လူနေဆိုင်ခန်းများ ဆောက်လုပ်ရန် စီစဥ်နေကြောင်းမြို့ခံများထံမှ စုံစမ်းသိရသည်။
” ကလေးတွေရဲ့ ကစားကွင်း သက်ကြီးရွယ်အိုတွေ မနက်ခင်းနဲ့ ညနေခင်း လမ်းလျှောက် တဲ့နေရာ အများပြည်သူ အပမ်းဖြေတဲ့နေရာတစ်ခုဖြစ်တယ် ၊ အပင်တွေနဲ့မြို့လည်မှာ ဆို ဒါလေးပဲကျန်တော့တာ နောက်ပြီး မြို့ရဲ့တော်လှန်ရေး သမိုင်းတွေ အခန်းနားတွေအစဥ်အမြဲ လုပ်လေ့ရှိတဲ့နေရာလေဗျာ ရည် ရွယ်ချက်ရှိရှိလုပ်တယ်လို့ပဲ မြင်တယ် ဒါ့ကြောင့် ဘယ်သူမှ လက်မခံနိုင် တာပေါ့ ” ဟု တောင်ကြီး မြို့ခံ တစ်ဦးကပြောသည်။
အဆိုပါ ပန်းခြံသည် တောင်ကြီးမြို့၏ အထင်ကရ နေရာဖြစ်သည့်အပြင် ကလေးများ ဆော့ကစားရာ၊ ပြည်သူများ အပန်း ဖြေရာ နေရာတစ်ခုလည်း ဖြစ်သလို ၈လေးလုံး အရေးအခင်းလှုပ်ရှားမှု သမိုင်းမှတ်တိုင်အဖြစ် ကျောက် တိုင်စိုက်ထူထားခြင်းရှိကြောင်းသိရသည်။
ပန်းခြံအတွင်း အဆောက်အဦ ဆောက် လုပ်ရေးလုပ်ငန်းများကို စည်ပင်နှင့်ရှမ်းချယ်ရီတောင်တန်း ဆောက်လုပ်ရေးကုမ္ပဏီက အကျိုးတူပူးပေါင်းလုပ်ဆောင်မည်ဖြစ်ပြီး ၄င်း ကုမ္ပဏီသည် စစ်တပ်နှင့်ခေတ်အဆက်ဆက် ကသျှမ်းတောင်အတွင်း သစ်ထုတ်လုပ်ရေးလုပ်ငန်းအပါအဝင်အခြားသော လုပ်ငန်းအများအပြားကိုအကျိုးတူ ပူးပေါင်းလုပ်ဆောင်နေသော ချယ်ရီကွင်းဟိုတယ်ပိုင်ရှင်၏ ကုမ္ပဏီတစ်ခုဖြစ်ကြောင်း မြို့ခံများဆီကစုံစမ်းသိရသည်။