သျှမ်းပြည်တောင်ပိုင်း၊ တောင်ကြီးမြို့မှာ ကားအရောင်းအဝယ်လုပ်နေတဲ့ အမျိုးသားတစ်ဦး ဟာ ကားသွားပြရင်း ကားလုခံရပြီး ဓါးနဲ့ပါအထိုးခံရတဲ့အတွက် သေဆုံးသွားတယ်လို့ သိရပါတယ်။
ဒီကနေ့ ဖေဖော်ဝါရီလ (၁၄) ရက်နေ့ နေ့လည်ပိုင်းခန့်မှာ အေးသာယာမြို့တွင် နေထိုင်သော ကားအရောင်းအဝယ်လုပ်သူထံ လူတစ်ဦးက ကားဝယ်ဖို့ဆိုပြီး ကားလာကြည့်သွားပါတယ်။ အဲ့ဒီနောက် ထိုသူကပဲ ကားကြိုက်တယ် ငွေချေမယ်လို့ဆိုပြီး ကားပိုင်ရှင်ကို ဟဲဟိုးမြို့တွင် ငွေသားလိုက်ယူရန် ခေါ်ဆောင်သွားကာ လမ်းတစ်ဝက်အရောက်တွင် ဓားဖြင့်ထိုးပြီး ကားလုယက်သွားခြင်း ဖြစ်ပါတယ်။
ကားပေါ်တွင် လိုက်ပါသွားသူ ကားပိုင်ရှင်နဲ့သူ့အကိုဖြစ်သူက ဟဲဟိုးမြို့သို့ ကားလုခံရပြီး ဓါးနဲ့ပါ အထိုးခံရတဲ့အတွက် ဆေးရုံသို့ ပို့ဆောင်စဥ်မှာ သေဆုံးသွားတယ်လို့ သေဆုံးသွားသူနဲ့ နီးစပ်သူတွေထံမှ သိရပါတယ်။
သေဆုံးသွားတဲ့ အမျိုးသားဟာ တောင်ကြီးမြို့နေ သက်မော်ထူး ဖြစ်ပြီး အသက် ၂၀ ဝန်းကျင်သာရှိသေးတယ်လို့ သိရပါတယ်။
အခု ကားလုပြီး ထွက်ပြေးသွားတဲ့ လူကိုတော့ ဖမ်းမိထားပြီလို့ ကားဝယ်ရောင်းလုပ်တဲ့ အသိုင်းအဝိုင်းများထံမှ သိရပါတယ်။