တောင်ကြီး မြို့ ကံကြီးရပ်မှာရှိတဲ့ ထင်းရှူးတော မှာပြီးခဲ့တဲ့ရက်ပိုင်းအတွင်းက အထက်တန်းကျောင်းသား/သူ စုံတွဲ တစ်တွဲ ဓါးပြတိုက်ခံရ တယ်လို့ မြို့ခံသတင်းရင်းမြစ် ဆီကသိရပါတယ် ။
” ဆယ်တန်း ကျောင်းသား/သူတွေပါ ၊ သူတို့ ၂ ယောက်ကို ကြိုးနဲ့တုတ်ခဲ့ပြီး ဆိုင်ကယ် ကလစ်ဘီး နဲ့ ဖုန်းယူသွားတယ် ၊ လူကိုတော့ ဘာမှ မလုပ်သွားတာကံကောင်း တယ် ၊ အဲ့ဒီထင်းရှူးတောကအရင်ကတည်းက လုယက်မှု ဓါးပြမှု တွေ နာမည်ကြီး တယ် ” လို့ ကာယာကံ ရှင်နဲ့ နီးစပ်သူတစ်ဦးက ပြောပါတယ် ။
အမည်မသိအမျိုးသား ၃ ဦးဟာ အဲ့ဒီကျောင်းသား/သူစုံတွဲကို ကျောချင်းကပ် ကြိုးတုတ်ထားခဲ့ပြီး ကျောင်း သား ရဲ့Click ယိုးဒယားဆိုင်ကယ် အမျိုးအစားနဲ့ ဖုန်းကို လုယူသွားခဲ့တာလို့ ဆိုပါတယ် ။
ကြိုးတုတ်ခံထားရတဲ့ကျောင်းသား/သူတွေဟာ ပတ် ဝန်း ကျင် ကိုအော်ဟစ်အကူညီတောင်းခဲ့တဲ့အတွက် လမ်းသွားလမ်းလာ တွေနဲ့ တွေ့ပြီးလွတ် မြောက်လာခဲ့တယ်လို့ သိရပါတယ် ။
” အဲ့ဒီထင်ရှူးတောဟာ ထင်ရှူးပင်တွေနဲ့ သာယာလှပတော့ pre wedding လာရိုက်တဲ့ သူတွေ နဲ့ ဓါတ်ပုံလာရိုက်တဲ့သူတွေတော့ တစ်ခါတလေရှိတာပေါ့ ဒါပေမဲ့ လူပြတ်တာများတယ် ၊ သမီးရည်းစားတွေလာချိန်းတွေ့ ရင် ဆိုင်ကယ်နဲ့ ဖုန်းတွေ ပိုက်ဆံ အိတ်တွေအလုခံရတာ များတယ် ” လို့ ကံကြီးရပ်မြို့ခံတစ်ဦးကပြောပါတယ် ။
ရုံးပိတ်ရက် ၊ ကျောင်းပိတ်ရက် မဟုတ်တဲ့ကြားရက်တွေမှာလူပြက်ပြီးအသွားအလာကျဲတဲ့အတွက် လာရောက်ချိန်းတွေ့ကြတဲ့လူငယ်စုံတွဲတွေများပြီး ဆိုင်ကယ် နဲ့ ဖုန်း၊ ပိုက်ဆံအိတ် ဓါးထောက်လုယက်မှု ၊ ဓားပြမှုတွေမကြာခဏ ဖြစ်ပွားနေတာပါ ။
အခုလိုဖြစ်စဥ်မျိုး မကြာခဏဖြစ်ပွားလေ့ရှိပေမဲ့နှစ်နာသူတွေဟာအမှုဖွင့်တိုင်တန်းတာမျိုးမရှိကြသလို ကျူး လွန် သူတွေကိုလည်း ဒီနေ့အထိ ဖမ်း ဆီးရမိခြင်းမရှိသေးဘူးလို့ မြို့ခံတွေဆီကသိရှိရပါတယ် ။
Photo – credit original uploader (ကံကြီးထင်းရှူးတော )