တောင်ကြီးမြို့၊ ကံကြီးရပ်ကွက်၊သစ်ခွလမ်း ရှိနေအိမ်တစ်အိမ်ကို ဇွန်လ ၃၀ ရက် နေ့လည်ခင်းက ဝင်ရောက်ဖောက်ထွင်း နေသည့်သူခိုးအား အိမ်ရှင်များမှ ဝိုင်းဝန်း ဖမ်းဆီးခဲ့ရာ သူခိုးကဓါးဖြင့်ထိုး၍ အိမ်ရှင်အမျိုးသမီးသုံးဦးဒဏ်ရာရခဲ့ကြောင်းသိရသည်။
“ အိမ်ရှင်တွေဝိုင်းဖမ်းတာ ထိသွားတာက အမေနဲ့ သမီး ၂ ယောက်ပေါ့သူခိုးကဓါးနဲ့ ပြန်ထိုးတာလို့သိရတယ် ၊ သေ ဆုံးတာတော့မရှိဘူး ၊ ဓါးဒဏ်ရာတွေရကြတာပေါ့ သူခိုးကို ရပ်ကွက်ကလူတွေ ဝိုင်းဖမ်းတော့မိသွားတယ်လေ” ဟု ကံကြီးတွင်စျေးရောင်းနေသည့် စျေးသည်တစ်ဦးကပြောသည်။
အဆိုပါ ဖောက်ထွင်း ခိုးယူသူသည် အသက် ၂၀ ဝန်း ကျင်အရွယ်အမျိုးသားတစ်ဦးဖြစ်ပြီး လက်ရှိသက် ဆိုင်ရာကဖမ်းဆီးသွားကြောင်း သိရသည်။
ပြီးခဲ့သည့် ရက်ပိုင်းအတွင်းကလည်း တောင်ကြီးမြို့၊ ကျောင်းကြီးစုရပ်တွင် နေအိမ်တစ်လုံးဖောက်ထွင်းခံရပြီး တန်ဖိုးရှိပစ္စည်းများ ခိုးယူခံလိုက်ရသလို ကျောင်းကြီးစု အနောက်မြို့ပတ်လမ်းရှိဆိုင်ခန်းတစ်ချို့၏ တံခါးကို ဓါးဖြင့်ခွဲ၍ ဆိုင်ရှိ ပစ္စည်းများယူဆောင်သွားကြောင်း သိရသည်။