ယမန်နေ့ နိုဝင်ဘာလ ၆ ရက်နေ့က ဖိလစ်ပိုင်နိုင်ငံ အလယ်ပိုင်းဒေသမှာ တိုက်ခိုက်ခဲ့တဲ့ တိုင်ဖွန်းမုန်တိုင်း ကယ်လ်မာဂီ ကြောင့် လူပေါင်း ၁၄၀ ကျော်သေဆုံးခဲ့ပြီး လူ ၁၀၀ကျော် ပျောက်ဆုံးနေတယ်လို့ သိရပြီး ဖိလစ်ပိုင်သမ္မတ ဖာဒီနန်မားကိုစ့် ဂျူနီယာ က ဒီကနေ့ အစောပိုင်းမှာ မုန်တိုင်းသင့်ဒေသကို အရေးပေါ် အခြေအနေ ကြေညာခဲ့တယ်လို့ သိရပါတယ်။
Photo – Internet
တိုင်ဖွန်း (KALMAEGI)မုန်တိုင်း တိုက်ခတ်မှုကြောင့် ဖိလစ်ပိုင်မှာ ပျက်စီးဆုံးရှုံးမှု များစွာဖြစ်ပေါ် စေခဲ့ကာ လာမယ့် သီတင်းပတ်မှာလည်း နိုင်ငံတွင်းသို့ နောက်ထပ် မုန်တိုင်းတစ်ခု ထပ်မံဝင်ရောက် လာနိုင်တဲ့အတွက် အခုလို အရေးပေါ်အခြေအနေကြေညာဖို့ ဆုံးဖြတ်ခဲ့တာလို့ ဖာဒီနန် က ဆိုပါတယ်။
ဒီနေ့မနက်အစောပိုင်းမှာလည်း မုန်တိုင်းဟာ တစ်နာရီကို ၉၂ မိုင်နှုန်းနဲ့ ဗီယက်နမ်နိုင်ငံ ကို ဖြတ်ကျော်ဝင်ရောက်ပြီးနောက် လူ ၁၀ ဦးထက်မနည်း သေဆုံးခဲ့တယ်လို့ သိရပါတယ်။
Photo – Internet