အွန်လိုင်းငွေလိမ်ဂိုဏ်းတရားခံလို့ စွပ်စွဲခံထားရတဲ့ တရုတ်နိုင်ငံသား မြီရှောက်ချန်း (Ming Xuechang)၊ မြီကော်ဖျင်း (Ming Guoping) (ခ) မြီရှောက်ဖျင်း (Ming Xiaoping)၊ မြီကျိန်းကျိန်း (Ming Zhenzhen) တို့ ၃ ယောက်ကို ကိုးကန့်ဒေသ လောက်ကိုင်မှာ ကနေ့ ဖမ်းဆီးပေးပြီးတော့ တရုတ်အာဏာပိုင်တွေကို ချက်ခြင်း ပို့ပေးခဲ့တဲ့အကြောင်း စစ်ကောင်စီသတင်းအရင်းအမြစ်တွေက ထုတ်ပြန်လာပါတယ်။
မနေ့က နိုဝင်ဘာလ ၁၅ ရက်နေ့ကပဲ မြီကျွီလန် (Ming Julan) အပါအဝင် သူတို့ ၃ ယောက် အားလုံးပေါင်း ၄ ယောက်ကို စစ်ကောင်စီဘက်က ကိုးကန့်ကိုယ်ပိုင်အုပ်ချုပ်ခွင့်ရဒေသ တရားရုံးမှာ ဖမ်းဝရမ်းထုတ်ခဲ့တာလို့ ဆိုပါတယ်။
ကနေ့ မွန်းလွဲပိုင်း ၁ နာရီ ၅၀ မိနစ်မှာ သျှမ်း-တရုတ်နယ်စပ် ရန်လုံကျိုင်းနယ်စပ်ဂိတ်ကနေ ဗမာစစ်တပ်က ယူနန်ပြည်နယ် တရုတ်ရဲတပ်ဖွဲ့ကို လွဲပြောင်းပေးခဲ့တယ်လို့ သိရပါတယ်။