သျှမ်းပြည်တောင်ပိုင်း၊ ညောင်ရွှေမြို့နယ်တွင် စက်သုံးဆီ/ ဓါတ်ဆီများ တရားမဝင်သယ်ဆောင် သည့်တောင်ကြီးမြို့နေ အမျိုးသားတစ်ဦး ဖမ်းဆီးခံရကြောင်း သိရသည်။
ဖြစ်စဉ်မှာပြီးခဲ့သည့် ဧပြီလ ၇ ရက်နေ့ မွန်းလွဲ ၂ နာရီခွဲအချိန်တွင် ညောင်ရွှေမြို့နယ်၊ ရွှေလဖုန်း ကျေးရွာ၊ ညောင်ရွှေ-နန်းပန်ကားလမ်းပေါ်တွင် စက်သုံးဆီများကို HIJET ကားပေါ်ရာဘာ ဆီပုံးအဝါများဖြင့် သယ်ဆောင်လာသော တောင်ကြီးမြို့နေအသက် ၂၄ နှစ်အရွယ် အမျိုးသားတစ်ဦးဖမ်းဆီးခံရခြင်းဖြစ်ကြောင်းသိရသည်။
၄င်း HIJET ယာဉ်ပေါ်မှ တရားမဝင်သယ်ဆောင်လာသည့် 92 ဓာတ်ဆီ ၂၀ လီတာပါ ပလပ်စတစ် ပုံး ၁ ပုံး၊ ပရီမီယမ်ဒီဇယ် ၂၀ လီတာပါပလပ်စတစ်ပုံး ၁ ပုံး၊ ပရီမီယမ်ဒီဇယ် ၁၅ လီတာပါပလပ်စတစ်ပုံး ၂ ပုံး၊ စုစုပေါင်းဓာတ်ဆီ ၂၀ လီတာနှင့် ပရီမီယမ်ဒီဇယ် ၃၅ လီတာတို့အားညောင်ရွှေရဲများက တွေ့ရှိသိမ်း ဆည်းရမိ ခဲ့သဖြင့် အဆိုပါဓါတ်ဆီသယ် ဆောင် လာသူအားညောင်ရွှေမြို့မရဲစခန်း တွင် ရေနံနှင့်ရေနံထွက်ပစ္စည်းဆိုင်ရာ ဥပဒေပုဒ်မ ၃၇ ဖြင့် အမှုဖွင့် အရေးယူထားကြောင်း သိရသည်။