စစ်တပ်က တိုင်းပြည်အာဏာအား ထိန်းချုပ်လိုက်တဲ့အတွက် ငြိမ်းချမ်းရေးလုပ်ငန်းစဥ် ရပ်တန့်သွား စေခဲ့ပြီး NCA အကောင်အထည်ဖော်ခြင်းကို ရည်မှန်းထားတဲ့အတိုင်း မဆောင်ရွက်နိုင်ခဲ့ခြင်း ဖြစ်တယ်လို့ သျှမ်းပြည်ပြန်လည်ထူထောင်ရေးကောင်စီ RCSS က ယနေ့မှာ ထုတ်ပြန်ကြေညာ ထားပါတယ်။
ဒါ့အပြင်နှစ်ဦးနှစ်ဖက်အကြားယုံကြည်မှု မတည်ဆောက် နိုင်တာ၊ သဘောတူစာချုပ်အတိုင်း အကောင်အထည်မဖော်နိုင်တာ၊ အစိုးရက EAOs များအား ၂၀၀၈ ဖွဲ့စည်းပုံအခြေခံဥပဒေအောက် ရောက်ရှိအောင် ဖိအားပေးလုပ် ဆောင်တာနဲ့ တိုင်းပြည်ပြောင်းလဲရေးအတွက် အစိုးရအနေနဲ့ စိတ်အားထက်သန်မှုနည်းပါးတာ ဖြစ်တယ်လို့ဆိုပါတယ်။
အနာဂတ် ငြိမ်းချမ်းရေးလုပ်ငန်းစဥ် အောင်မြင်ရေးအတွက် စစ်တပ်အနေနဲ့ EAOs များနဲ့ ယုံကြည်မှု တည်ဆောက်ခြင်း ပြန်လည်ဖော်ဆောင်ရန်၊ စစ်တပ်နဲ့ EAOs များ ဆွေးနွေးသဘောတူညီချက်များ ဦးစွာရယူပြီး နိုင်ငံရေးပါတီများ ပါဝင်ဆွေးနွေးရန်၊ နိုင်ငံတကာအသိသက်သေများ ပါဝင်တက်ရောက်စေရန်၊ ဖက်ဒရယ်မူကို အဓိကထား ဆွေးနွေးရန်နဲ့ သဘောတူညီချက်များကို လွတ်တော်သို့ တင်သွင်းပြီး ဥပဒေ အဖြစ်အတည်ပြုပြဋ္ဌာန်းရန် RCSS က အကြံပြုထားပါတယ်။
ယမန်နေ့ အောက်တိုဘာလ ၁၅ ရက်က နေပြည်တော်မှာ တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် NCA ၁၀ နှစ်ပြည့် အခမ်းအနားကျင်းပပြီး ထိုပွဲကို RCSS မှ ကိုယ်စားလှယ်အဖွဲ့သာ တက်ရောက်ခဲ့တယ်လို့ သိရပါတယ်။