မန္တလေးတိုင်း၊ မိုးကုတ်မြို့ အနောက်ပိုင်း၊ ပင့်ကူတောင်ခြေမှာရှိတဲ့ ကျောက်မျက်တွင်းလုပ်ကွက်အနီးမှာ စစ်ကောင်စီတပ်က ယနေ့ နေ့လည်ပိုင်းမှာ လေကြောင်းနဲ့ လာရောက်ဗုံးကြဲတိုက်ခိုက်တယ်လို့ သိရပါတယ်။
ဗုံးကြဲတိုက်ခိုက်မှုကြောင့် လူထိခိုက်မရှိဘူးလို့ မိုးကုတ်ဒေသတွင်း သတင်းရင်းမြစ်ထံမှ သိရပါတယ်။
ငလျင်ဘေးကြောင့် ကူညီကယ်ဆယ်ရေးနဲ့ ပြန်လည်ထူထောင်ရေးလုပ်ငန်းများ ဆောင်ရွက်နိုင်စေရန် ဆိုပြီး ရက်ပေါင်း ၂၀ ကြာ အပစ်ရပ်စဲမယ်လို့ စစ်ကောင်စီတပ်က ပြီးခဲ့တဲ့ ဧပြီလ ၂ ရက်က ကြေညာ ထားပေမယ့် လေကြောင်းအသုံးပြုပြီး ဗုံးကြဲတိုက်ခိုက်တာတွေ ဆက်လက်လုပ်ဆောင်နေဆဲ ဖြစ်ပါတယ်။
စစ်ကောင်စီရဲ့ အပစ်ရပ်စဲကာလအတွင်းဖြစ်တဲ့ ယမန်နေ့ နံနက်ပိုင်းက စစ်ကောင်စီတပ်ရဲ့ လက်နက်ကြီး ပစ်ခတ်မှုကြောင့် မိုးဗြဲမြို့ ရှိ ပီကင်းကောခူကျေးရွာမှ အမျိုးသားတစ်ဦး ဗုံးစထိမှန်ကာ သေဆုံးသွားခဲ့ တယ်လို့ သိရပါတယ်။
