စစ်ကောင်စီက လွတ်တော်ကိုယ်စားလှယ်တွေ နဲ့ ဒေသဦးစီးမှူးတွေကို ချီးမြှင့်ငွေနဲ့ စရိတ်များ တိုးမြှင့်ပေး

လွတ်တော်ကိုယ်စားလှယ်တွေ နဲ့ ကိုယ်ပိုင်အုပ်ချုပ်ခွင့်ရတိုင်း သို့မဟုတ် ဒေသ ဦးစီးအဖွဲ့ဝင်တွေရဲ့ ချီးမြှင့်ငွေနဲ့ စရိတ် တွေကို ၁ ထောင်ကျပ်ကနေ ၃ ထောင်ကျပ်အထိ တိုးမြှင့်ပေးလိုက်တယ်လို့ စစ်ကောင်စီက ထုတ်ပြန်ထားပါတယ်။

ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီး သို့မဟုတ် ပြည်နယ်လွှတ်တော် ကိုယ် စားလှယ်များနှင့် ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဝင်များ၏ ချီးမြှင့်ငွေနှင့် စရိတ်များဆိုင်ရာ ဥပဒေကို ဒုတိယအကြိမ် ပြင်ဆင်ပြီး စစ်ကောင်စီရဲ့ အမျိုး သားကာကွယ်ရေးနှဲ့ လုံခြုံရေးကောင်စီက ဇန်နဝါရီလ ၂၈ ရက်က ထုတ်ပြန်ထားပါတယ်။

အဆိုပါ ပြင်ဆင်သည့် ဥပဒေကို ဖွဲ့စည်းပုံအခြေခံဥပဒေ ပုဒ်မ ၄၂၇ အရ ပြဋ္ဌာန်းတာဖြစ်ကြောင်း ထုတ်ပြန်ထားပြီး လွှတ်တော်ကိုယ်စားလှယ်များနှင့် ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဝင်များ၏ ချီးမြှင့်ငွေနှင့် စရိတ်များဆိုင်ရာ ဥပဒေ ပုဒ်မ ၆ တွင် ပါရှိသော “တည်းခိုနေထိုင်စရိတ် ကျပ် ၅,၀၀၀” ဆိုသည့် စကားရပ်ကို “ကျပ် ၈,၀၀၀”အဖြစ် လည်းကောင်း၊ “အခြားအသုံးစရိတ် ကျပ် ၅,၀၀၀” ကို “ကျပ် ၇,၀၀၀” အဖြစ်လည်းကောင်း အစားထိုးရမယ်လို့ ထုတ်ပြန်ထားပါတယ်။

ထို့အတူ လွှတ်တော်ကိုယ်စားလှယ်များနှင့် ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဝင်များ၏ ချီးမြှင့်ငွေနှင့် စရိတ်များဆိုင်ရာ ဥပဒေ ပုဒ်မ ၈ တွင် ပါရှိသော “ကျပ် တစ်သောင်း” ဆိုသည့် စကားရပ်ကို “ကျပ် နှစ်သောင်း”ဆိုသည့် စကားရပ်ဖြင့် အစားထိုးရမယ်လို့ ပြင်ဆင် ပြဋ္ဌာန်းလိုက်ကြောင်း ထုတ်ပြန်ထားပါတယ်။