စစ်ကောင်စီကို အပြီးတိုင်ခြေေမှုန်းသွားမယ်လို့ ယမန် နေ့က ကျရောက်တဲ့ တအာင်းအမျိုးသားတော်လှန်ရေး နေ့မှာ TNLA ရဲ့ သဘောထားထုတ်ပြန်ပြီး နောက်တစ်ရက်မှာ ကျောက်မဲမြို့ကို စစ်ကောင်စီက လေကြောင်းနဲ့ ဗုံးကြဲတိုက်ခိုက်လာခဲ့ပါတယ်။
TNLA ထိန်းချုပ်ထားတဲ့ သျှမ်းပြည်နယ်မြောက်ပိုင်း၊ ကျောက်မဲမြို့နယ်ကို ယနေ့ ဇန်နဝါရီလ(၁၃)ရက် ညနေပိုင်း(၃)နာရီဝန်းကျင်က စစ်ကောင်စီဘက်မှ လေ ကြောင်းနဲ့ ဗုံးကြဲတိုက်ခိုက်လာခဲ့တယ်လို့ ဒေသခံတွေဆီက သိရပါတယ်။
“ကျောက်မဲတိုးဂိတ် နတ်ရေကန်ဘက်ကျတယ်ပြောတယ်၊ အဓိအကျတော့ မသိသေးဘူး” လို့ ကျောက်မဲဒေသခံတစ်ဦးက ပြောပါတယ်။
ငြိမ်းချမ်းရေးကုန်းဘက်မှာလည်း လာရောက်ကြဲချတယ်လို့ ကနဦးသိရပြီး ဗုံးကြဲမှုကြောင့် ထိခိုက်ပျက်စီးမှု အသေးစိတ်ကိုတော့ ဆက်လက်စုံစမ်းနေဆဲဖြစ်ပါတယ်။
တံတားဦးလေတပ်ကနေ ကျောက်မဲမြို့နယ်ကို ယနေ့ ညနေ(၃း၁၅)အချိန်က Fighter Jet (၁)စီး လေကြောင်း တိုက်ခိုက်မှုလုပ်ခဲ့တယ်လို့ Nas−နပ်စ် ကလည်း ဖော်ပြထားပါတယ်။